ប្រទេសមួយនៅអាស៊ី មានខ្យល់កខ្វក់ខ្លាំងពេក សូម្បីតែសត្វឆ្កែក៏ត្រូវពាក់ម៉ាស់ការពារ (មានវីដេអូ)
- 2019-06-10 02:55:57
- ចំនួនមតិ 0 | ចំនួនចែករំលែក 0
ប្រទេសមួយនៅអាស៊ី មានខ្យល់កខ្វក់ខ្លាំងពេក សូម្បីតែសត្វឆ្កែក៏ត្រូវពាក់ម៉ាស់ការពារ (មានវីដេអូ)
ចន្លោះមិនឃើញ
ខណៈពេលដែលប្រទេសជាច្រើនជុំវិញពិភពលោក កំពុងរងផលប៉ះពាល់ពីការបំពុលបរិស្ថាន ប្រទេសកូរ៉េខាងត្បូងជាប់ឈ្មោះជាប្រទេសដែលមានខ្យល់កខ្វក់ជាងគេបំផុតមួយ។
យោងតាមអង្គការសម្រាប់កិច្ចសហប្រតិបត្តិការនិងអភិវឌ្ឍន៍សេដ្ឋកិច្ចឲ្យដឹងថា កូរ៉េខាងត្បូងជាប្រទេសដែលមានគុណភាពខ្យល់អាក្រក់បំផុតមួយក្នុងចំណោមប្រទេសអភិវឌ្ឍដទៃទៀត ហើយមានផលប៉ះពាល់ខ្លាំងដល់ការរស់នៅរបស់ប្រជាជនក្នុងពេលបច្ចុប្បន្ន។ ខណៈពេលដែលប្រជាជនកូរ៉េ បានការពារខ្លួនដោយការពាក់ម៉ាសក៏ដោយ ឥឡូវនេះមានការព្រួយបារម្ភជាខ្លាំងចំពោះសុខភាពសត្វចិញ្ចឹមរបស់ពួកគេ។ យោងតាមវេជ្ជបណ្ឌិតមួយរូបឲ្យដឹងថា សត្វចិញ្ចឹមដូចជាឆ្កែ ឆ្មាងាយទទួលរងផលប៉ះពាល់ដោយការបំពុលច្រើនជាមនុស្ស ដោយសារពួកវាស្រូបយកខ្យល់កខ្វក់ដែលមានកម្ទេចធូលីជាច្រើន និងដោយសារកម្ពស់របស់ពួកវាមិនសូវខ្ពស់ពីដីប៉ុន្មាន។
ប្រភពដដែលបន្ដថា ការដែលឲ្យសត្វចិញ្ចឹមពាក់ម៉ាស គឺប្រសើរជាងគ្មានអ្វីការពារទាំងអស់នៅពេលដែលម្ចាស់នាំពួកវាចេញទៅខាងក្រៅម្ដងៗ។ ទោះយ៉ាងណាក៏ដោយ ចំពោះប្រសិទ្ធភាពនៃការពាក់ម៉ាសឲ្យសត្វចិញ្ចឹមមានកម្រិតណានោះ នៅមិនទាន់ត្រូវបានគេបញ្ជាក់នៅឡើយទេ៕
សូមទស្សនាវីដេអូខាងក្រោម ៖