ប៉ូលិសម្នាក់ត្រូវផ្អាកការងារបណ្ដោះអាសន្នទាក់ទងនឹងការពិន័យមិនចេញបង្កាន់ដៃ
- 2019-06-11 05:59:09
- ចំនួនមតិ 0 | ចំនួនចែករំលែក 0
ប៉ូលិសម្នាក់ត្រូវផ្អាកការងារបណ្ដោះអាសន្នទាក់ទងនឹងការពិន័យមិនចេញបង្កាន់ដៃ
ចន្លោះមិនឃើញ
ស្នងការដ្ឋាននគរបាលរាជធានីភ្នំពេញឲ្យដឹងថាខ្លួនបានសម្រេចផ្អាកការងារមន្ត្រីនគរបាលម្នាក់បន្ទាប់ពីរកឃើញថាបានពិន័យមិនត្រឹមត្រូវនិងមិនចេញបង្កាន់ដៃតាមការកំណត់ទាក់ទងនឹងលើបទល្មើសចរាចរណ៍ ។
លិខិតបង្គាប់ការមួយចុះថ្ងៃទី១១ ខែមិថុនា ឆ្នាំ២០១៩ និងចុះហត្ថលេខាដោយឯកឧត្តម ស ថេត ស្នងការនគរបាលរាជធានីភ្នំពេញ បានសម្រេចផ្អាកការងារបណ្ដោះអាសន្នចំពោះអនុសេនីយ៍ឯកស៊ឹម ប៊ុនធឿន ជានាយរងផ្នែកការពារ និងអន្តរាគមន៍ នៅខណ្ឌមានជ័យ។
ក្នុងលិខិតនោះសរសេរទៀតថាមូលហេតុនៃការផ្អាកនេះគឺ «ផាកពិន័យមិនត្រឹមត្រូវ មិនចេញបង្កាន់ដៃតាមការកំណត់»។
នៅលើទំព័រហ្វេសប៊ុករបស់ស្នងការដ្ឋានរាជធានីភ្នំពេញសរសេរបន្ថែមនៅនៅថ្ងៃនេះដែរថា៖ «ស្នងការដ្ឋាននគរបាលរាជធានីភ្នំពេញ បានសម្រេចផ្អាកការងារបណ្តោះអាសន្ន បច្ចុប្បន្នកំពុងស្ថិតក្នុងការសាកសួរ ដើម្បីបំភ្លឺទៅលើហេតុការណ៍។ លើសពីនេះ មន្ត្រីរូបនេះត្រូវប្រឈមក្នុងការដាក់វិន័យកងកម្លាំងទៀតផង»៕