កាមេរ៉ាបង្កប់ខ្លួនដូចព្រុយត្រីឆ្លាមរបស់ OPPO ហូតចេញលឿនណាស់(មានវីដេអូ)

  • 2019-06-12 09:06:46
  • ចំនួនមតិ 0 | ចំនួនចែករំលែក 0

ចន្លោះមិនឃើញ


កាមេរ៉ាបង្កប់ខ្លួនក្នុងស្មាតហ្វូន បានក្លាយទៅជាចំនុចប្រកួតប្រជែងគ្នាមួយទៅហើយ សម្រាប់ទីផ្សារទូសព្ទនៅទូទាំងសកលលោក ព្រោះវាជាបច្ចេកវិទ្យាថ្មីមួយដើម្បីបំពេញតម្រូវការជាក់ស្តែង និង ទាក់ទាញចិត្តអ្នកប្រើប្រាស់ទូរសព្ទដៃ។

អ្នកមានដឹងអត់ថា Brand ទូរសព្ទណាខ្លះដែលមានកាមេរ៉ាបង្កប់ខ្លួន និង Unique ជាងគេ? យើងខ្ញុំជឿជាក់ថាសម័យនេះទៅហើយនណាៗក៏ចង់ប្រើទូរសព្ទដែលមានកាមេរ៉ាបង្កប់ខ្លួនដែរ ព្រោះវាទាន់សម័យ និងជាពិសេសកាមេរ៉ាបង្កប់ខ្លួន អាចជួយឲ្យលោកអ្នកទទួលបានអារម្មណ៍ស្រស់ស្រាយជាមួយនឹងអេក្រង់លាតពេញនៅលើទូរស័ព្ទដៃក្នុងការថតរួប និង ទស្សនាវីដេអូនានាបានយ៉ាងទូលាយ។

មានក្រុមហ៊ុនស្មាតហ្វូនជាច្រើនបាននឹងកំពុងព្យាយាមបង្កើតនូវគំនិតច្នៃប្រឌិតថ្មីៗ ទាក់ទងនឹងការរចនាកាមេរ៉ាបង្កប់ខ្លួននេះ ក្នុងនោះដែរស្មាតហ្វូនដែលកំពុងលេចធ្លោខ្លាំងជាងគេក្នុងការរចនាកាមេរ៉ាបង្កប់ខ្លួនឆ្នាំ ២០១៩ នេះគឺស្មាតហ្វូនស៊េរី Reno របស់ក្រុមហ៊ុន OPPO ដែលមើលទៅពិតជាប្លែកមិនសរសើរមិនបានមែន។

មិនចាំបាច់មើលអីឆ្ងាយទេ មើលត្រឹមតែកាមេរ៉ាបង្កប់ខ្លួនចាប់តាំងពីចេញម៉ូឌែលស៊េរី F11 Pro មក វាមានកាមេរ៉ាបង្កប់ខ្លួននៅចំណុចកណ្តាល ដែលស៊ីមេទ្រីគ្នាជាមួយនឹងអេក្រង់ទូរស័ព្ទដៃ ដែលជាភាពងាយស្រួលចំពោះអតិថិជន អាចស៊ែលហ្វីបានដោយសំលឹងមកចំណុចត្រង់អេក្រង់ និង Len កាមេរ៉ាបង្កប់ខ្លួនបាន ដោយមិនពិបាកងាកឆ្វេង ឬ ងាកស្តាំឡើយ។

បន្ទាប់មកទៀតដើមខែមិថុនាឆ្នាំ ២០១៩ នេះស្រាប់តែ OPPO បានបង្ហាញវត្តមានតួឯកស៊េរី Reno ពីរម៉ូឌែល ទៀត ដែលសុទ្ធតែមានកាមេរ៉ាបង្កប់ខ្លួនបែបបញ្ឆិតឡើង Cool តែម្តង ក្នុងទំហំ16MP +AI Beauty និង មានពន្លឺជំនួយ (Soft Light) នៅលើម៉ូឌែល OPPO Reno ធម្មតា និង OPPO Reno 10X Hybrid Zoom (មានបច្ចេកវិទ្យា 60X Digital Zoom, កាមេរ៉ាក្រោយ) ។

លើកនេះសឹងតែអាចនិយាយបានថាកាមេរ៉ាបង្កប់ខ្លួនបែបបញ្ឆិតរបស់ស៊េរី Reno មិនទាន់មានដៃគូរប្រកួតប្រជែងណាអាចធ្វើបាននៅឡើយទេ វាពិតជាឡូយមែនទែន ព្រោះមើលទៅ OPPO បានគិតគូរយ៉ាងម៉ត់ចត់លើការបំពាក់កាមេរ៉ាបង្កប់ខ្លួនបែបបញ្ឆិតនេះ ដែលធ្វើឲ្យអ្នកប្រើប្រាស់ស្មាតហ្វូនជាច្រើនបានប្រដូចកាមេរ៉ាបង្កប់ខ្លួនបែបបញ្ជិតនេះ ទៅនឹងព្រុយត្រីឆ្លាម ប្រដូចវាទៅនឹងត្របកផ្កាឈូកនៃអាគារ Opera House នៅអូស្រ្តាលី និងប្រដូចវាទៅនឹងទ្វាឡានស្ពតទំនើបៗមានតម្លៃថ្លៃជាដើម និងផ្សេងៗ (ទស្សនាវីដេអូ) ដែលបង្កើតបានជាគុណសម្បត្តិដ៏ល្អលើអេក្រង់លាតពេញ AMOLED (Panoramic Screen) ដែលមានកម្រិតលាតទំហំ 93.1% ។

កាមេរ៉ាបង្កប់ខ្លួនព្រុយត្រីឆ្លាមនេះ អាចប្រើរយៈពេលផុសឡើងត្រឹមតែ 0.8s(វិនាទី) ពិតជាលឿន សំលេងស្ងាត់ល្អ មិនរំខាន និងអាចផុសឡើងចំនួន ២០០.០០០ដង គិតជារយៈពេលអាចលើសពី៥ឆ្នាំ សម្រាប់អ្នកដែលចូលចិត្តស៊ែលហ្វីយ៉ាងណា គឺម៉ាអេមហ្មង៕

អត្ថបទ៖ រក្សា