Real សម្រុកទិញបាន Mendy ម្នាក់ទៀតបើទោះទីផ្សារទើបតែបើកក៏ដោយ
- 2019-06-13 01:38:40
- ចំនួនមតិ 0 | ចំនួនចែករំលែក 0
Real សម្រុកទិញបាន Mendy ម្នាក់ទៀតបើទោះទីផ្សារទើបតែបើកក៏ដោយ
ចន្លោះមិនឃើញ
ទីផ្សារដោះដូរកីឡាករបានបើកទ្វារមិនដល់២សប្ដាហ៍ផង ខណៈពេលវេលានៅសល់ច្រើនខែទៀតប៉ុន្តែ Real Madrid បានសម្រុកទិញចូលសមាជិកថ្មីជាច្រើននាក់ហាក់ខុសប្លែកពីរាល់ដង។
ក្លឹបយក្សរបស់អេស្ប៉ាញបានបង្ហាញខ្លួន Ferland Mendy ម្នាក់ទៀតកាលពីម្សិលមិញដែលមានតួនាទីលេងជាខ្សែការពារឆ្វេងហើយទិញមកពី Lyon ក្នុងតម្លៃ៤៧,១លានផោន។ កីឡាករអន្តរជាតិបារាំងរូបនេះមានវ័យតែ២៤ឆ្នាំប៉ុណ្ណោះហើយបានចុះកុងត្រា៦ឆ្នាំនៅទឹកដី Bernabeu។
Real បានទិញយក Eden Hazard ពី Chelsea ក្នុងតម្លៃ១៥០លានផោន បន្ទាប់មកគឺខ្សែប្រយុទ្ធ Luka Jovic របស់ Frankfurt ក្នុងតម្លៃ៥៣លានផោន។ ក្លឹបនេះក៏បានចុះកុងត្រាទុកមុនទិញយកខ្សែការពារ Eder Militao របស់ Porto តម្លៃ ៤២,៧លានផោន និងខ្សែប្រយុទ្ធវ័យក្មេង Rodrygo តម្លៃ៤០លានផោន ដែលនឹងចូលរួមក្នុងខែកក្កដា។
គិតត្រួសៗមកទល់នឹងពេលនេះក្រុមលោក Zinedine Zidane បានចាយអស់ក្បែរ៣០០លានផោនហើយ និងអាចបន្តទិញកីឡាករថ្មីបន្ថែមទៀតដើម្បីមកពង្រឹងក្រុមដែលធ្លាប់ជាអធិរាជទ្វីបអឺរ៉ុបកាលពីប៉ុន្មានរដូវកាលមុន៕