Arteta ជំនួយការ Pep ថាលេងនៅ Anfield អាចរបូត៥គ្រាប់ដោយមិនដឹងខ្លួន

2019-06-13 07:42:59
ចំនួនមតិ 0 | ចំនួនចែករំលែក 0

ចន្លោះមិនឃើញ

Mikel Arteta បាននិយាយថា Anfield គឺជាកីឡដ្ឋានតែមួយគត់ដែលធ្វើឲ្យខ្លួនភ័យបុកពោះ និងពិបាកដកដង្ហើមនៅពេលទៅប្រកួតនៅទីនោះម្ដងៗ។

អតីតខ្សែបម្រើដែលលេងនៅ Everton ៦ឆ្នាំ និង Arsenal ៥ឆ្នាំរូបនេះ ធ្លាប់ទៅប្រកួតនៅ Anfield ញឹកញាប់គួរសមកាលនៅជាកីឡាករ ហើយបច្ចុប្បន្ននៅតែមានការងារទៅកីឡដ្ឋានក្លឹប Liverpool នេះដដែល ប៉ុន្តែក្នុងនាមជាជំនួយការលោក Guardiola របស់ Manchester City។

ទោះមានបទពិសោធន៍ទៅ Anfield ញឹកញាប់ តែ Arteta មិនសូវទទួលលទ្ធផលល្អនោះទេធ្វើឲ្យរូបគេចាត់ទុកទីនោះជាកីឡដ្ឋានដែលពិបាកយកឈ្នះបំផុត។ "នៅ Anfield អ្នកអាចរបូតបាល់មួយភ្លែត៥គ្រាប់ទាំងមិនដឹងខ្លួន។ ខ្ញុំធ្លាប់ជួបជាក់ស្ដែងកាលលេងឲ្យ Arsenal គ្រានោះគឺយើងរបូត៥គ្រាប់ ហើយខ្ញុំសួរខ្លួនឯងថាមានអ្វីកើតឡើង ហើយខ្ញុំនៅទីណា"។

“វាពិតជាពិបាកពន្យល់ប៉ុន្តែរឿងរ៉ាវដូច្នេះ មិនដែលកើតលើខ្ញុំនៅកន្លែងណាផ្សេង ក្រៅពីនៅ Anfield ឡើយ"។ Arteta និយាយដូច្នេះ។ គួរបញ្ជាក់ថាក្រុមខ្លាំងៗជាច្រើនមិនសូវទទួលលទ្ធផលល្អទេពេលលេងនៅ Anfield របស់ Liverpool ដូចជា Barcelona របូត៤គ្រាប់, Real Madrid របូត៤គ្រាប់ និង Roma របូត៥គ្រាប់ជាដើម៕