iPhone XS 24K Gold ចែកកីឡាករ Liverpool ម្នាក់មួយគ្រឿង ដឹងមានតម្លៃប៉ុន្មានអត់?

2019-06-14 06:55:19
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីទទួលជ័យជម្នះនៅពានរង្វាន់ UEFA Champions League នារដូវកាល ២០១៨/១៩ ក្រុមហង្សក្រហម Liverpool ក៏សម្រេចផ្តល់ជូននូវរង្វាន់លើកទឹកចិត្តជាទូរសព្ទ iPhone XS ជំនាន់ពិសេស ដល់កីឡាករនិងបណ្តាបុគ្គលិកគ្រប់រូបនៅក្នុងក្រុមទាំងមូល។

ពីរគ្រាប់រកបានដោយ Divock Origi និង Mohamed Salah នាំឲ្យហង្សបានយកឈ្នះមាន់ខ្នាយមាស Tottenham នៅលទ្ធផល ២-០ ដោយជោគជ័យនេះប្រធានក្លឹបក៏សម្រេចចែកជូន iPhone XS ធ្វើពីមាស 24K ម្នាក់មួយគ្រឿង អមដោយការរចនាលេខនិងឈ្មោះរបស់កីឡាករនៅខ្នងខាងក្រោយ។

ការច្នៃប្រឌិតទាំងនេះបង្កើតឡើងដោយក្រុមហ៊ុន iDesign Gold ដោយក្នុងមួយគ្រឿងៗមានតម្លៃខ្ទង់ ២ ៩១៥ ទៅ ៤ ៤៣៥ ដុល្លារ ។ នេះបើតាមការបញ្ជាក់លើគេហទំព័រ iDesign Gold ដោយផ្ទាល់។

ក្រុមហ៊ុនមានមូលដ្ឋានក្នុងប្រទេសអៀរឡង់មួយនេះកន្លងទៅក៏ធ្លាប់បង្កើតស្មាតហ្វូនប្រណីតមួយចំនួនសម្រាប់កីឡាករ Liverpool ចាស់ថ្មី មានដូចជាលោក Jamie Carragher និង Steven Gerrard ជាដើម។