សាលាក្រុងចេញសេចក្ដីណែនាំពី ការវេចខ្ចប់ ការទុកដាក់ និងការបញ្ចេញសំរាមឲ្យបានត្រឹមត្រូវ
- 2019-06-13 11:57:56
- ចំនួនមតិ 0 | ចំនួនចែករំលែក 0
សាលាក្រុងចេញសេចក្ដីណែនាំពី ការវេចខ្ចប់ ការទុកដាក់ និងការបញ្ចេញសំរាមឲ្យបានត្រឹមត្រូវ
ចន្លោះមិនឃើញ
កាលពីពេលអម្បាញ់មិញនេះ ទំព័រហ្វេសប៊ុករបស់រដ្ឋបាលរាជធានីភ្នំពេញ បានបង្ហោះសេចក្ដីណែនាំ ស្ដីពី ការវេចខ្ចប់ ការទុកដាក់ និងការបញ្ចេញសំរាមឲ្យបានត្រឹមត្រូវ។
ការចេញសេចក្ដីណែនាំនេះធ្វើឡើង ក្រោយមានបងប្អូនមួយចំនួន បានបញ្ចេញសំរាមមិនត្រឹមត្រូវ និងមិនតាមពេលវេលា ដែលបង្កឲ្យមានការគ្រោះថ្នាក់ និងមានភាពប៉ះពាល់ផ្សេងៗដល់ប្រជាពលរដ្ឋដទៃទៀត។
ដូច្នេះហើយ រដ្ឋបាលរាជធានីភ្នំពេញបានធ្វើការណែនាំចំនួន ២ចំណុច។ ទីមួយគឺ ត្រូវបញ្ចេញសំរាមឲ្យបានត្រឹមត្រូវតាមពេលម៉ោងដែលអាជ្ញាធរបានកំណត់។ ទីពីរ ចំពោះសំរាម-សំណល់រឹង ដែលអាចបង្កឲ្យមានគ្រោះថ្នាក់ដូចជា អំបែងកែវ អំបែងដប កញ្ចក់ ម្ជុល ត្រូវដាក់ចូលថង់ក្រហម ឬ ធ្វើជាសញ្ញាសម្គាល់ ដើម្បីបញ្ជាក់ឲ្យកម្មករប្រមូលសំរាមមានការប្រុងប្រយ័ត្ន។
ក្នុងសេចក្ដីណែនាំដដែលនេះបាននិយាយថា ក្នុងករណីដែលបងប្អូនប្រជាពលរដ្ឋ និងម្ចាស់អាជីវកម្មមិនអនុវត្តតាមសេចក្ដីណែនាំនេះ នឹងត្រូវទទួលផាកពិន័យតាមអនុក្រឹត្យលេខ ១១៣ អនក្រ. ចុះថ្ងៃទី២៧ ខែសីហា ឆ្នាំ២០១៥ ស្ដីពីការគ្រប់គ្រងសំរាម សំណល់រឹងទីប្រជុំជន ព្រមទាំងត្រូវប្រឈមនឹងការបិទអាជីវកម្ម និងវិធានការផ្សេងៗទៀត៕
ខាងក្រោមនេះជា ខ្លឹមសារដើមនៃសេចក្ដីណែនាំនេះ៖