Real ទិញបាន Messi ជប៉ុន ដែលជាអតីតថ្នាលក្លឹប Barca
- 2019-06-14 11:56:41
- ចំនួនមតិ 0 | ចំនួនចែករំលែក 0
Real ទិញបាន Messi ជប៉ុន ដែលជាអតីតថ្នាលក្លឹប Barca
ចន្លោះមិនឃើញ
ក្លឹប Real Madrid បានប្រកាសថា ខ្លួនទិញបានខ្សែប្រយុទ្ធជប៉ុនវ័យ ១៨ឆ្នាំ កីឡាករ Takefusa Kubo ដែលមានរហស្សនាមថា "Messi ជប៉ុន" ពីក្លឹប FC Tokyo នៅក្នុងថ្ងៃនេះ ជាមួយនឹងកុងត្រា ៦ឆ្នាំ ដើម្បីជួយមកពង្រឹងក្លឹបយុវជន Real Madrid Castilla។
បើតាមសារព័ត៌មាន Marca ក្លឹបអធិរាជស បានផ្ទេរកីឡាករនេះចូលក្នុងតម្លៃខ្លួន ២.២៥លានដុល្លារ ហើយកីឡាករវ័យក្មេងរូបនេះនឹងទទួលបានច្រើនជាង ១លានដុល្លារក្នុងមួយឆ្នាំ។
តាមពិតទៅកីឡាកររូបនេះ ត្រូវបានក្លឹប Barcelona ជ្រើសរើសតាំងពីអាយុ ១០ឆ្នាំ យកមកបង្វឹកក្នុងថ្នាលយុវជន ប៉ុន្តែនៅពេលដែលក្លឹបកាតាឡាន់មួយនេះជាប់បម្រាមពីការផ្ទេរចូលកីឡាករ Kubo បានត្រលប់មកជប៉ុន។
ក្នុងឆ្នាំ២០១៩ នេះដែរ ខ្សែប្រយុទ្ធដែលកើតក្នុងឆ្នាំ២០០១ រូបនេះ បានរកគ្រាប់បាល់ចំនួន ៥គ្រាប់ ក្នុងការលេងគ្រប់កម្មវិធីរបស់ក្លឹប FC Tokyo៕