ផលិតករម្នាក់សម្រេចបំណងថតរូប panorama ដ៏កម្ររបស់ភ្នំអេវើរ៉េសក្រោយរៀបផែនការរាប់ខែ

2019-06-15 10:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Renan Ozturk អាយុ ៣៩ ឆ្នាំជាអ្នកឡើងភ្នំ និង ជាផលិតកររបស់ National Geographic បានព្យាយាមច្រើនលើកច្រើនសារដើម្បីថតរូបបែប panorama ៣៦០ ដឺក្រេពីរូបភាពរបស់ភ្នំអេវើរ៉េសដែលខ្ពស់ជាងគេបំផុតលើផែនដីនេះ។

កម្ពស់ខ្ពស់ ខ្យល់បក់ខ្លាំង និង សីតុណ្ហភាពក្រោមសូន្យ គ្មានអ្វីដែលស្រួលឡើយនៅលើភ្នំអេវើរ៉េស។ ស្ថិតនៅកម្ពស់ប្រមាណ ៧ ០១០ ម៉ែត្រ Ozturk បានរៀបចំផែនការអស់រយៈពេល៨ខែ ដើម្បីហោះរយៈពេល១៥នាក់ឲ្យបានចម្ងាយ ១,៨២៨ ម៉ែត្រ និង មានថ្មគ្រប់គ្រាន់ដើម្បីហោះត្រលប់មកវិញក្នុងបរិយាកាសត្រជាក់ក្រោមសូន្យ។

រូបភាពភ្នំអេវើរ៉េសឆ្នាំ ១៩០៣ ត្រូវបានថតដោយជនជាតិអង់គ្លេសដែលត្រូវបានគេជឿថាជារូបភាពដំបូងបង្អស់របស់ភ្នំខ្ពស់បំផុតមួយនេះ ហើយរូបភាពពីលើលំហថតដោយ Ozturk កើតចេញពីរូបភាព២៦សន្លឹកផ្គុំបញ្ចូលគ្នាបែប panorama គឺជារូបភាពដ៏កម្របំផុតរបស់អេវើរ៉េស។

នេះមិនមែនជាការប៉ុនប៉ងជាលើកដំបូងរបស់លោកឡើយដើម្បីហោះហើរនៅអេវឺរេស។ គាត់និង ក្រុមការងាររបស់គាត់បានព្យាយាម និង បរាជ័យជាច្រើនដងមកហើយក្នុងដំណើរនេះ។

ប៉ុន្តែមុនពេលដែល Ozturk បានទៅដល់ជួរភ្នំហិម៉ាល័យ គាត់បានសាកល្បងយន្តហោះ drone របស់គាត់នៅកាលីហ្វ័រញ៉ា និង បានធ្វើការជាមួយក្រុមហ៊ុន DJI ដើម្បីដោះសោមុខងារសុវត្ថិភាព ដែលអាចអនុញ្ញាតឲ្យដ្រូនរបស់គាត់ហោះហើរបានឆ្ងាយពីពីឡុត។

គិតចាប់តាំងពីឆ្នាំ ១៩២២ មកនៅពេលរដ្ឋាភិបាលនេប៉ាល់បានប្រែក្លាយភ្នំអេវើរ៉េសទៅជាអាជីវកម្ម ដែលអាចរកចំណូលបានចាប់តាំងពីបុរសជនជាតិនូវែលហ្សេឡង់ Edmund Hillary និង Tenzing Norgay អ្នកឡើងភ្នំកូនកាត់ឥណ្ឌានេប៉ាល់បានឡើងដល់កំពូលភ្នំ Everest ដំបូងនៅឆ្នាំ ១៩៥៣ មកតំបន់ទេសចរណ៍មច្ចុរាជនោះបានសម្លាប់មនុស្សជាង៣០០នាក់ហើយ៕