មេដឹកនាំហុងកុង ចេញលិខិតសុំទោសដ៏កម្រ ខណៈពលរដ្ឋទាមទារឲ្យចុះចេញពីតំណែង

2019-06-17 01:30:05
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃសៅរ៍ម្សិលមិញ មេដឹកនាំហុងកុងលោកស្រី Carrie Lam បានប្រកាសពន្យារពេលអនុម័តសេចក្តីព្រាងច្បាប់បត្យាប័ន ក្រោយមានការតវ៉ាពីបាតុកររហូតដល់ជាង ១លាននាក់អស់រយៈពេលជាច្រើនថ្ងៃ។

បើទោះបីជា ច្បាប់បត្យាប័នថ្មី ត្រូវបានប្រកាសពន្យារពេល ហើយនឹងមិនត្រូវអនុម័តក្នុងឆ្នាំនេះយ៉ាងណាក្ដី ពលរដ្ឋរហូតចដល់ជិត ២លាននាក់នៅតែបន្ដដើរនៅតាមផ្លូវក្នុងទីក្រុងដើម្បីទាមទារឲ្យអ្នកស្រី Lam ចុះចេញពីតំណែង។ ជាការឆ្លើយ អ្នកស្រី Lam បានចេញលិខិតសុំទោសដ៏កម្រមួយកាលពីយប់ថ្ងៃអាទិត្យកន្លងទៅដោយទទួលស្គាល់ថាពិតជាមានកំហុសឆ្គងនៅក្នុងកិច្ចការងាររដ្ឋាភិបាលរបស់លោកស្រី ដែលបណ្ដាលឲ្យមានភាពចម្រូងចម្រាស និងជម្លោះជាច្រើនក្នុងសង្គម ហើយធ្វើឲ្យពលរដ្ឋហុងកុងមានការអាក់អន់ស្រពន់ចិត្តមកលើខ្លួន។

យ៉ាងណាមិញ ការសម្រេចផ្អាកការធ្វើបត្យាប័នថ្មី និងការសុំទោសរបស់លោកស្រី Lam មិនគ្រប់គ្រាន់ទេសម្រាប់ពលរដ្ឋហុងកុង ដោយសារពួកគេភ័យខ្លាចថាអាចនឹងរដ្ឋាភិបាលអាចនឹងធ្វើច្បាប់បត្យាប័ននៅថ្ងៃណាមួយនាពេលខាងមុខ៕