Messi៖ អាហ្សង់ទីននឹងយកឈ្នះកាតា ហើយមិនធ្លាក់ពី Copa America ងាយៗទេ

2019-06-20 13:04:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធក្លឹប Barcelona កីឡាករ Lionel Messi បាននិយាយក្នុងសន្និសីទក្រោយការប្រកួតជាមួយនឹងក្រុមជម្រើសជាតិប៉ារ៉ាហ្គាយថា ក្រុមជម្រើសជាតិអាហ្សង់ទីននឹងឈ្នះកាតា នៅប្រកួតបន្ទាប់ ហើយវាជារឿងឆ្កួតមួយ ដែលអាហ្សង់ទីនធ្លាក់ត្រឹមវគ្គចែកពូល។

កីឡាកររូបនេះបានលើកឡើងថា៖ " ខ្ញុំមើលទម្រង់លេងរបស់ក្រុមទាំងមូល ហើយគិតថា យើងនឹងឈ្នះប្រកួតបន្ទាប់ (ប្រកួតប៉ះនឹងកាតា)។ យើងត្រូវតែពង្រឹងឡើងវិញ។ យើងដឹងច្បាស់ថា ប្រកួតក្រោយប្រៀបដូច ប្រកួតដាក់ជីវិតអញ្ចឹង '' ។

Messi បានបន្តថា៖ " វាជារឿងឆ្កួតមួយ ដែលយើងមិនអាចឆ្លងផុតវគ្គចែកពូល ខ្ញុំជឿថា យើងនឹងអាចធ្វើបាន " ។

គិតត្រឹមពេលនេះដែរ ក្នុងពូល B ប្រទេសកូឡុំប៊ីឈរកំពូលតារាង ដោយមាន ៦ពិន្ទុ ហើយកក់កៅអីលេងវគ្គបន្ត ខណៈប៉ារ៉ាហ្គាយ មាន ២ពិន្ទុ ហើយឈរលេខ ២ កាតា លេខ ៣ មាន ១ពិន្ទុ ហើយអាហ្សង់ទីននៅបាតតារាង ដោយមាន ១ពិន្ទុ៕

ប្រភព៖ Goal ប្រែសម្រួល៖ ហ៊ីម រស្មី