ចាំអ៊ុតមើលទាំងអស់គ្នា តើ OPPO នឹងមានអ្វីអួតក្នុងព្រឹត្តិការណ៍ MWC សៀងហៃ
- 2019-06-26 03:01:18
- ចំនួនមតិ 0 | ចំនួនចែករំលែក 0
ចាំអ៊ុតមើលទាំងអស់គ្នា តើ OPPO នឹងមានអ្វីអួតក្នុងព្រឹត្តិការណ៍ MWC សៀងហៃ
ចន្លោះមិនឃើញ
កាន់តែប្លែក និងអស្ចារ្យទៀតហើយដោយ OPPO បាននឹងកំពុងតែឈានទៅរកការបំបែកកំណត់ត្រាថ្មីរបស់ខ្លួនមួយផ្នែកទៀត ជាមូយនឹងការដាក់តាំងបង្ហាញបច្ចេកវិទ្យាថ្មី និងទំនើប នៅក្នុងព្រឹត្តិការណ៍ Mobile World Congress (MWC) ឆ្នាំ២០១៩ នៅទីក្រុងសៀងហៃ ប្រទេសចិន។
លើកនេះ មិនត្រឹមតែបង្ហាញឲ្យដឹងថា វាជាបច្ចេកវិទ្យាដែលមានបំពាក់កាមេរ៉ាបង្កប់ខ្លួនក្នុងអេក្រង់ទូរសព្ទ ដែលគ្មានឆក គ្មានហូតចេញ និងគ្មានផុស ដូចម៉ូឌែលមុនៗឡើយ។
តាមរយៈវីដេអូ Teaser មួយនេះឃើញថា OPPO បង្ហាញពីភាពវិវឌ្ឍន៍នៃការរចនាកាមេរ៉ារបស់ពួកគេដែលល្អឥតខ្ចោះ ចង់ដឹងច្បាស់ថាយ៉ាងណាខ្លះ សូមមើលវីដេអូទាំងអស់គ្នា៖
ដូចអ្នកធ្លាប់បានដឹងដែរហើយថា កាលពីឆ្នាំមុន OPPO បានបង្ហាញពីបច្ចេកវិទ្យាកាម៉េរាហូតចេញពីតួខ្លួនជាលើកដំបូងនៅលើ OPPO Find X រួចមកហើយ ដែលទទួលបានការគាំទ្រ និងសរសើរមិនដាច់ពីមាត់ យ៉ាងច្រើនលើសលប់។
ចំណែកក្នុងឆ្នាំនេះវិញ បច្ចេកវិទ្យាកាម៉េរាផុសចេញដូចព្រុយត្រីឆ្លាម បែបបញ្ឆិតនេះ បានស្ថិតនៅលើកំពូលស្មាតហ្វូន OPPO Reno Series តែម្តងដោយម៉ូឌែល OPPO Reno 10X Zoom មានបច្ចេកវិទ្យា 60X Digital Zoom បានកាន់តែឆ្ងាយ កាន់តែច្បាស់។
ជាក់ស្តែងនៅថ្ងៃនេះ វាកាន់តែធ្វើឲ្យអ្នកគាំទ្រឆ្ងល់ទៀតហើយ ប្រសិនបើមានកាមេរ៉ាបង្កប់ខ្លួនក្នុងអេក្រង់មែននោះ មានតែសំណួរសួរថា How? That’s true? That’s amazing!! ។ ចំលើយទាំងអស់នឹងត្រូវលាតត្រដាងហើយនៅថ្ងៃស្អែកនេះ ចង់ដឹងថា OPPO ធ្វើបានពិតមែនទេ?
បើចង់ជ្រាបច្បាស់ ថាវាជាព័ត៌មានពិត ឬ បែកធ្លាយ សូមរង់ចាំទស្សនាការផ្សាយផ្ទាល់ព្រឹត្តិការណ៍ MWC Shanghai នៅទីក្រុងសៀងហៃ ប្រទេសចិន ដែលប្រព្រឹត្តទៅ នៅថ្ងៃទី ២៦ ដល់ ២៩ ក្នុងខែមិថុនានេះហើយ៕