រឿងខ្នាតខ្លីមួយ បានសង្កត់ធ្ងន់ថា មនុស្សគ្រប់គ្នា ត្រូវការការផ្ដល់ឲ្យគ្នាទៅវិញទៅមក

2019-06-26 04:06:26
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅលើបណ្ដាញសង្គមប៉ុន្មានថ្ងៃនេះ មានការចែករំលែកបន្តគ្នាបន្តបន្ទាប់អំពីខ្សែរឿងខ្នាតខ្លីមួយ ដែលផលិតដោយ Agency ក្នុងស្រុកមួយឈ្មោះថា “MSA” មានចំណងជើងថា "ឱកាស"។ ចំណងជើងខ្លី ប៉ុន្តែអត្ថន័យ វែងអន្លាយ និងទូលំទូលាយ ព្រមទាំងសំខាន់គ្រប់សម័យកាលថែមទៀត ព្រោះមិនថា កាលៈទេសៈថា មនុស្សត្រូវការឱកាសដើម្បីវិវត្ត ក្នុងនោះបើទោះមានសមត្ថភាពហើយក៏ដោយ ប៉ុន្តែបើខ្វះឱកាសនឹងបញ្ចេញ លទ្ធផល គឺសូន្យដូចគ្នា។

មិនខុសទេ មនុស្សម្នាក់ៗមានវាសនាខុសៗគ្នា ខ្លះកើតមកមានអ្វីគ្រប់យ៉ាង តែខ្លះកើតមកមិនមានទ្រព្យទេ ប៉ុន្តែពួកគេមានទេពកោសល្យ។ មានត្រឹមប៉ុណ្ណេះ ច្បាស់ណាស់ថា មិនទាន់គ្រប់គ្រាន់នោះទេ គឺត្រូវការអ្នកជួយជ្រោមជ្រែង និងឱកាសថែមទៀត។ ប៉ុន្តែមិនមែនគ្រប់គ្នាសុទ្ធតែទទួលបានឱកាសនោះទេ ព្រោះឱកាសគ្មានរូបរាង និងមកមិនប្រាប់មុនឡើយ ដូច្នេះហើយ ទើបធ្វើអោយពួកគេខ្លះបានជ្រុលជ្រួសដើរផ្លូវខុស រឺក៏កប់បាត់នូវទេពកោសល្យរបស់ខ្លួនទៅទៀត។

យ៉ាងណា ពេលខ្លះ ពួកយើងគ្រប់រូបសុទ្ធតែអាចធ្វើជាម្ចាស់នៃឱកាសសម្រាប់ពួកគេបាន ដើម្បីការផ្លាស់ប្ដូរជាវិជ្ជមានមួយ ហើយថា ក្នុងន័យនេះ មិនមែនមានន័យថា ពួកយើងជួយគេតែម្យ៉ាងនោះទេ ប៉ុន្តែក៏អាចជាការជួយបង្កើតឲ្យខ្លួនឯងដែរ។ ក្នុងន័យនេះ មានន័យថា យើងផ្ដល់អ្វីឲ្យគេ គេក៏អាចនឹងផ្ដល់អ្វីមួយឲ្យយើងវិញ បើមិនភ្លាមៗក៏ពេលក្រោយដែរ។ ជាលទ្ធផល ពួកយើងនឹងរីកចម្រើនទាំងអស់គ្នា តាមនយោបាយឈ្នះទាំងសង្ខាង។

តោះ...ទស្សនាទាំងអស់គ្នា!!!

អត្ថបទ៖ ទារិកា