ទំនើបហួស! ប៉ាតង់ Apple Watch ជំនាន់ក្រោយ មានបង្កប់កាមេរ៉ាទុកថតរូបបានទៀត
- 2019-06-28 06:19:06
- ចំនួនមតិ 0 | ចំនួនចែករំលែក 0
ទំនើបហួស! ប៉ាតង់ Apple Watch ជំនាន់ក្រោយ មានបង្កប់កាមេរ៉ាទុកថតរូបបានទៀត
ចន្លោះមិនឃើញ
តាមរយៈរូបភាពលេចធ្លាយមួយសន្លឹកបង្ហាញយ៉ាងច្បាស់ថានាឡិកាឆ្លាតវៃ Apple Watch ជំនាន់ក្រោយ នឹងមានបន្ថែម Sensor កាមេរ៉ាបង្កប់លើផ្នែកខ្សែ ដោយពុំមែនច្នៃដាក់លើផ្នែកអេក្រង់នោះទេ។
ភ្នាក់ងារប៉ាតង់និងការិយាល័យស្លាកយីហោរបស់អាមេរិកហៅកាត់ USPTO បានទម្លាយនូវប៉ាតង់មួយសន្លឹកនេះឡើង ជុំវិញទីតាំងបំពាក់កាមេរ៉ាងាយស្រួលឲ្យអ្នកប្រើប្រាស់ធ្វើការផ្តិតយករូបភាពឬថតវីដេអូ ហើយទិដ្ឋភាពដែលផ្តិតចេញនឹងបង្ហាញជាធម្មតាលើផ្ទៃអេក្រង់នាឡិកា។
ប្រភេទខ្សែរបស់វាផលិតដោយលោហៈធាតុម្យ៉ាង ងាយក្នុងការបត់បែនសម្រាប់ផ្តិតយករូបភាពគ្រប់ជ្រុងទាំងអស់តាមតម្រូវការរបស់អ្នកប្រើប្រាស់។
បញ្ជាក់ថាប៉ាតង់នេះបានចុះតាំងពីខែកញ្ញា ឆ្នាំ ២០១៦ ដែលស្ថិតក្នុងអំឡុងឆ្នាំនៃការប្រកាសបង្ហាញ Apple Watch Series 2 ដោយមកទល់ពេលនេះគឺចេញដល់ Series 4 ហើយ តែក៏មិនទាន់ល្ហិចល្ហៀងពីដំណឹងនៃការប្រើប្រាស់កាមេរ៉ានៅឡើយ។ យើងនឹងរង់ចាំមើលនៅប៉ុន្មានឆ្នាំបន្ទាប់ ព្រោះការអភិវឌ្ឍបែបនេះទំនងទាមទារពេលវេលាច្រើនគួរសម។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
អ្នកឌីហ្សាញផលិតផល Apple ដ៏ល្បីកាលពីមុន ប្រកាសដើរចេញពីក្រុមហ៊ុន
ធ្លាប់តែឃើញពោងសុវត្ថិភាពឡាន តែឥឡូវមានសម្រាប់ការពារទូរសព្ទដៃ (មានវីដេអូ)