AC Milan ត្រូវបានជាប់ទណ្ឌកម្មមិនឲ្យលេងក្នុង Europa League រដូវកាល ២០១៩/២០

2019-06-28 11:35:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប AC Milan ត្រូវបានផាត់ចេញពីការចូលរួមក្នុងព្រឹត្តិការណ៍ UEFA Europa League រដូវកាល ២០១៩/២០ ដោយសារតែល្មើសច្បាប់ Fair Play ហិរញ្ញវត្ថុ នេះបើតាមការប្រកាសរបស់តុលាការអាជ្ញាកណ្ដាលសម្រាប់កីឡាករ (Court of Arbitration for Sport)។

តុលាការនេះបានបន្តថា UEFA នឹងបញ្ចប់ដំណើរការនីតិវិធីរបស់ខ្លួនប្រឆាំងនឹងក្លឹបនេះ សម្រាប់ការចំណាយច្រើនហួសប្រមាណ។

បើតាមច្បាប់របស់ UEFA ក្លឹបណាដែលមានកំហាតចំណូល (រកស៊ីខាត) លើសពីការកំណត់ រយៈពេល ៣ឆ្នាំ នឹងត្រូវប្រឈមមុខនឹងការដាក់ទណ្ឌកម្ម បើសិនជាធ្ងន់ធ្ងរនឹងជាប់បម្រាមមិនឲ្យលេងក្នុងកម្មវិធីអឺរ៉ុប។

កៅអី Europa League កូតាប្រទេសអ៊ីតាលីនឹងត្រូវធ្លាក់ទៅលើក្លឹប Torino ដែលជាក្លឹបជាប់លេខ ៧ ក្នុង Serie A រដូវកាល ២០១៨/១៩។

តាមពិតទៅ កាលពីរដូវកាលមុន AC Milan ក៏ជាប់ចោទក្នុងការល្មើសច្បាប់ Fair Play ហិរញ្ញវត្ថុដែរ ប៉ុន្តែប្ដឹងឧទ្ធរណ៍បានជោគជ័យ ប៉ុន្តែឆ្នាំនេះពួកគេមិនសម្រេចបានដូចឆ្នាំមុនទេ៕

ប្រភព៖ BBC ប្រែសម្រួល៖ ហ៊ីម រស្មី