បុគ្គលិកពេទ្យមួយក្រុម ថតវីដេអូផុស TikTok អាចនឹងគេដេញចេញ

2019-06-29 03:15:49
ចំនួនមតិ 0 | ចំនួនចែករំលែក 0

ចន្លោះមិនឃើញ

គិលានុបដ្ឋាយិកាមួយក្រុមមានគ្នា ៤ នាក់មានតួនាទីនៅក្នុងផ្នែក Special neonatal care unit (SNCU) ស្ថិតនៅក្នុងមន្ទីរពេទ្យធំមួយកន្លែងឈ្មោះថា Odisha ប្រទេសឥណ្ឌា បានថតវីដេអូផុសលើ TikTok កំពុងត្រូវបានពិន័យឲ្យសម្រាកពីការងារមួយរយៈធំ។

យោងតាមប្រភពព័ត៌មានពី NDTV ឥណ្ឌាបានបញ្ជាក់ថា គណៈគ្រប់គ្រងក្នុងមន្ទីរពេទ្យនោះ បានសម្រេចឲ្យគិលានុបដ្ឋាយិកាទាំង ៤ នាក់សម្រាកពីការងារ ក្រោយពេលរកឃើញថា ពួកគេគ្មានទំនួលខុសត្រូវពេលកំពុងតែជួយស្ត្រីម្នាក់ឲ្យសម្រាលកូនខ្ចី ផ្ទុយទៅវិញបែរជាថតវីដេអូលេងសើចសប្បាយក្នុងម៉ោងការងារ។

ប្រភពដដែលបានបន្ថែមទៀតថា ពួកគេទាំង ៤ នាក់មិនទាន់បណ្ដេញចេញពីការងារនៅឡើយទេ គ្រាន់តែឲ្យសម្រាកសិន និងរង់ចាំដំណោះស្រាយពីគណៈគ្រប់គ្រងមន្ទីរពេទ្យដែលកំពុងតែប្រឈមរឿងរ៉ាវ។

នេះមិនមែនជារឿងតូចតាចទេ សកម្មភាពនោះត្រូវសាធារណជនមិនពេញចិត្ត ព្រមបានចែកចាយពេញបណ្ដាញសង្គម រហូតល្បីដល់លោក Nabakishore Das ជារដ្ឋមន្ត្រីក្រសួងសុខាភិបាលឥណ្ឌាទៀតផង។

លោក ក៏បានចាត់វិធានការស្នើឲ្យបិទកម្មវិធី TikTok នេះ ក្រោយរកឃើញថា មានករណីច្រើនមកហើយ ដែលអ្នកលេង TikTok នៅប្រទេសឥណ្ឌាបានធ្វើខុសឆ្គងដូច្នេះ៕

ទស្សនាវីដេអូសកម្មភាពខាងក្រោម៖