ក្រសួងធនធានទឹកជូនដំណឹងស្ថានភាពអាកាសធាតុពីថ្ងៃនេះដល់ថ្ងៃទី៨
- 2019-07-02 01:39:34
- ចំនួនមតិ 0 | ចំនួនចែករំលែក 0
ក្រសួងធនធានទឹកជូនដំណឹងស្ថានភាពអាកាសធាតុពីថ្ងៃនេះដល់ថ្ងៃទី៨
ចន្លោះមិនឃើញ
ក្រសួងធនធានទឹកឲ្យដឹងថាចាប់ពីថ្ងៃនេះរហូតដល់ថ្ងៃទី៨ ខែកក្កដា ឆ្នាំ២០១៩ នៅតាមបណ្ដាខេត្តមួយចំនួននឹងមានភ្លៀងធ្លាក់តិចទៅបង្គួរ និងខ្លះបង្គួរទៅច្រើនហើយនៅសមុទ្រមានរលកខ្លាំងផងដែរ។
ក្នុងសេចក្ដីជូនដំណឹងមួយចុះផ្សាយនៅថ្ងៃនេះ ក្រសួងឲ្យដឹងថាក្នុងរយៈពេលនេះទឹកទន្លេមេគង្គងើបឡើងបន្តិច។ ចំណែកស្ថានភាពទឹកភ្លៀងវិញក្រសួងថាខេត្តនៅមាត់សមុទ្រមានកោះកុង ព្រះសីហនុ មានភ្លៀងធ្លាក់រាប៉ាយពីបង្គួរទៅច្រើន និងមានរលកកម្រិតខ្លាំង។
ដោយឡែកនៅខេត្តប៉ែកឦសានវិញ និងជាប់ព្រំដែនវៀតណាមវិញមានភ្លៀងធ្លាក់ពីកម្រិតបង្គួរទៅច្រើនដូចគ្នា។ ចំណែកខេត្តនៅទំនាបកណ្ដាល និងពាយ័ព្យនឹងមានភ្លៀងធ្លាក់ពីតិចទៅបង្គួរ។
ក្រសួងបញ្ជាក់ដែរថាបាតុភូត ផ្គរ រន្ទះ និងខ្យល់កន្ត្រាក់នៅតែមាន៕