កម្ពុជាធ្វើម្ចាស់ផ្ទះហែលទឹកយុវជនអាស៊ានមិនទទួលបានមេដាយសោះ

2019-07-02 03:33:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតហែលទឹកជើងឯកយុវជនអាស៊ានលើកទី៤៣ ឆ្នាំ២០១៩ដែលប្រទេសកម្ពុជាទទួលរៀបចំធ្វើម្ចាស់ផ្ទះលើកដំបូងបានបញ្ចប់ហើយ ប៉ុន្តែម្ចាស់ផ្ទះមិនទទួលបានមេដាយណាមួយឡើយ។

តារាងមេដាយសរុបរបស់សហព័ន្ធកីឡាហែលទឹកកម្ពុជា

ការប្រកួតដែលបញ្ចប់កាលពីថ្ងៃទី៣០ ខែមិថុនាកន្លងទៅនេះបង្ហាញឲ្យឃើញថា **យុវជនវៀតណាមធ្វើបានល្អជាងគេក្នុងចំណោម១០ប្រទេសគឺឈ្នះមេដាយមាស៤៣ ប្រាក់៤១ និងសំរឹទ្ធ២៥ សរុបចំនួន១០៩គ្រឿង ឈរនៅចំណាត់ថ្នាក់លេខ១** ។

ចំពោះចំណាត់ថ្នាក់លេខ២បានទៅយុវជនប្រទេសថៃដែលឈ្នះមេដាយសរុប៧៦គ្រឿងក្នុងនោះ មាស២៨ ប្រា្កក់១៨ និងសំរឹទ្ធ៣០ ខណៈលេខ៣បានទៅសិង្ហបុរីជាមួយមេដាយមាស១១ ប្រាក់១៦ និងសំរឹទ្ធ១៦។ លេខ៤ធ្លាក់ទៅយុវជនឥណ្ឌូណេស៊ី ហ្វីលីពីនស្ថិតនៅលេខ៥ និងម៉ាឡេស៊ីស្ថិតនៅលេខ៦។

ដោយឡែក៤ប្រទេសផ្សេងទៀតគឺម្ចាស់ផ្ទះកម្ពុជា ឡាវ មីយ៉ាន់ម៉ា និងប៊្រុយណេមិនទទួលបានមេដាយអ្វីសោះឡើយ៕

អត្ថបទ៖ ជាន ចាន់រ៉ា