៥ រឿងនិយាយអំពីសត្វឆ្កែ ល្អមើលបំផុត
- 2019-07-03 03:34:02
- ចំនួនមតិ 0 | ចំនួនចែករំលែក 0
៥ រឿងនិយាយអំពីសត្វឆ្កែ ល្អមើលបំផុត
ចន្លោះមិនឃើញ
អ្នកដែលចូលចិត្តសត្វឆ្កែ ច្បាស់ជាចូលចិត្តមិនខាននូវខ្សែភាពយន្តដែលមាននិយាយអំពីសត្វគួរឲ្យស្រឡាញ់មួយប្រភេទនេះ។ ខាងក្រោមនេះបង្ហាញខ្សែភាពយន្តចំនួន ៥ ដែលនិយាយអំពីសត្វឆ្កែ ល្អមើលបំផុត ៖
១. A Dog's Purpose ចេញឆ្នាំ ២០១៧
រឿងមនោសញ្ចេតនាចាក់ដោតអារម្មណ៍មួយនេះ ផលិតឡើងផ្អែកតាមសៀវភៅនិពន្ធដោយ W. Bruce Cameron ដែលធានាថានឹងធ្វើឲ្យអ្នកទស្សនាហូរទឹកភ្នែកដោយមិនដឹងខ្លួន ពេលតាមដានខ្សែជីវិតចាប់ជាតិឡើងវិញបន្តបន្ទាប់របស់សត្វឆ្កែមួយក្បាល។
២. Benji ចេញឆ្នាំ ១៩៧៤
Benji គឺជាសត្វឆ្កែអនាថាមួយក្បាល ដែលរីករាយនឹងជីវិតរបស់ខ្លួន រហូតដល់ពេលក្មេងៗពីរនាក់ដែលវាស្រឡាញ់ត្រូវបានគេចាប់ជំរិត អ្វីៗបានផ្លាស់ប្ដូរ។ Benji បានព្យាយាមជួយសង្គ្រោះក្មេងៗ ហើយបានធ្លាក់អន្លង់ស្នេហ៍ឆ្កែមួយក្បាលទៀត ក្នុងដំណើរជួយសង្គ្រោះ។ ខ្សែភាពយន្តនេះត្រូវបានផលិតឡើងវិញចេញផ្សាយឆ្នាំ ២០១៨ លើ Netflix ផងដែរ។
៣. Hachi: A Dog's Tale ចេញឆ្នាំ ២០០៩
នេះជាខ្សែភាពយន្តផលិតឡើងផ្អែកតាមរឿងពិតដែលបានកើតឡើងក្នុងប្រទេសជប៉ុន និងផលិតឡើងវិញតាមខ្សែភាពយន្តជប៉ុនចេញឆ្នាំ ១៩៨៧ ដែលមានចំណងជើងថា Hachikō Monogatari។ វាមានបង្ហាញអំពីក្ដីស្រឡាញ់ដ៏មហិមាដែលឆ្កែឈ្មោះ Hachi មានចំពោះម្ចាស់ប្រុសរបស់ខ្លួន ពោលវានៅតែចាំផ្លូវម្ចាស់នៅកន្លែងដដែល (នៅស្ថានីយរថភ្លើង) រយៈពេល ៩ ឆ្នាំ ទោះបីម្ចាស់បានបាត់បង់ជីវិត ហើយចាំលុះតែស្លាប់ខ្លួនឯង។ ឆ្កែមួយក្បាលនេះត្រូវបានប្រជាជនជប៉ុនកោតសរសើរ រហូតដល់មានការសាងសង់រូបសំណាក ដែលវាតំណាងភក្ដីភាព និងភាពស្មោះត្រង់។
៤. A Dog's Journey ចេញឆ្នាំ ២០១៩
វាមានរៀបរាប់សាច់រឿងបន្ទាប់ពីខ្សែភាពយន្ត A Dog's Purpose ចេញឆ្នាំ ២០១៧ ហើយមានបង្ហាញអំពីការចាប់ជាតិរបស់សត្វឆ្កែ ស្រដៀងគ្នានឹងវគ្គមុនដែរ និងមានបញ្ចូលនូវឈុតឆាកកម្សត់ៗ និងសប្បាយរីករាយជាច្រើន រវាងសត្វឆ្កែដ៏ស្មោះត្រង់ជាមួយនឹងម្ចាស់។
៥. The Secret Life of Pets ចេញឆ្នាំ ២០១៦
ច្បាស់ជាធ្លាប់ឆ្ងល់ហើយថា ពេលដែលអ្នកចេញពីផ្ទះបាត់ សត្វចិញ្ចឹមរបស់អ្នកមានសកម្មភាពអ្វីខ្លះ។ ហេតុនេះហើយទើបអ្នកមិនគួររំលងខ្សែភាពយន្តគំនូរជីវចលពោរពេញដោយភាពកំប្លែងមួយនេះ។ ភាពយន្តនេះអាចរកចំណូលបានដល់ ៨៧៥,៥ លានដុល្លារ ដែលចំណាយលើការផលិតអស់ត្រឹម ៧៥ លានដុល្លារប៉ុណ្ណោះ៕
ចុចអាន៖