រឿងពីរស្តាប់ទៅងាយយល់ តែម្ចាស់ iPhone ភាគច្រើននៅតែភ័ន្តច្រឡំនិងឆ្លើយមិនត្រូវ
- 2019-07-05 03:59:11
- ចំនួនមតិ 0 | ចំនួនចែករំលែក 0
រឿងពីរស្តាប់ទៅងាយយល់ តែម្ចាស់ iPhone ភាគច្រើននៅតែភ័ន្តច្រឡំនិងឆ្លើយមិនត្រូវ
ចន្លោះមិនឃើញ
គេហទំព័រលក់ឧបករណ៍ IT ដំឡើងថ្មីឲ្យឈ្មោះ Decluttr បានបង្ហាញពីលទ្ធផលនៃការសិក្សាស្រាវជ្រាវថ្មីមួយជុំវិញម្ចាស់ស្មាតហ្វូនប្រមាណ ២ ០០០ នាក់នៅសហរដ្ឋអាមេរិក ក្នុងនោះរក ឃើញថាច្រើនជាងពាក់កណ្តាលនៃអ្នកកាន់ iPhone មិនអាចប្រាប់តើស្មាតហ្វូនរបស់គេជាម៉ូឌែលឬជំនាន់ iPhone ប៉ុន្មាននោះទេ ខណៈសំណួរដដែលនេះអ្នកកាន់ស្មាតហ្វូន Samsung អាចឆ្លើយបានច្រើនជាង។
លទ្ធផលនៃការស្រាវជ្រាវបង្ហាញថាមានតែអ្នកប្រើ iPhone 8 ប្រមាណ ៤៥,៩០ ភាគរយ iPhone XR/iPhone 7 ប្រមាណ ៤៤ ភាគរយប៉ុណ្ណោះអាចឆ្លើយត្រឹមត្រូវពីប្រភេទជំនាន់ iPhone ដែលខ្លួនកំពុងប្រើ ខណៈអ្នកប្រើ iPhone X មាន ៥១ ភាគរយ និង iPhone XS មាន ៥៧ ភាគរយ។ ស្របពេលម្ចាស់ Samsung Galaxy S9+ មានដល់ ៧១,៣២ ភាគរយអាចសម្គាល់ត្រឹមត្រូវនូវម៉ូឌែលដែលពួកគេកំពុងកាន់ប្រើ។
មិនខុសពីសំណួរចាក់ដោតមួយទៀត ដែលគ្រប់គ្នាកំពុងភ័ន្តច្រឡំទាក់ទិនការគាំទ្រនូវបណ្តាញ 5G ដោយអ្នកប្រើប្រាស់ iPhone ទិញចេញពីក្រុមហ៊ុន AT&T មានដល់ទៅ ៤៧ ភាគរយច្បាស់ក្នុងចិត្តថា iPhone ដែលខ្លួនកាន់ប្រើអាចគាំទ្របណ្តាញ 5G ខណៈតួលេខធៀបនឹងអ្នកប្រើនៃបណ្តាញដទៃដូច Verizon, T-Mobile និង Sprint ក៏ប្រហាក់ប្រហែលនេះផងដែរ។
បញ្ជាក់ថាសព្វថ្ងៃមិនទាន់មាន iPhone ម៉ូឌែលណាមួយអាចគាំទ្រការប្រើ 5G នោះឡើយ ដោយតាមស្ថានភាពជាក់ស្តែងមានការរំពឹងទុកអាចនឹងចេញផ្សាយនាអំឡុងខែកញ្ញា ឆ្នាំ ២០១៩ នេះ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
អ្នកជិះឡានក្រុង គួរដោនឡូត App នេះទុកមើល កុំឱ្យធុញទ្រាន់រង់ចាំ
ងាកពីទូរសព្ទ មកមើលតម្លៃ Apple Watch Series 4 ថ្មី និងមួយទឹកដាក់លក់តាមហាងព្រឹកនេះ