បងប្អូនស្រីៗជំទង់៣នាក់ប្រឈមនឹងការកាត់ទោស នាំឲ្យផ្ទុះប្រតិកម្មពេញរុស្ស៊ី ក្រោយពួកគេសម្លាប់ឪពុក
- 2019-07-06 04:05:00
- ចំនួនមតិ 0 | ចំនួនចែករំលែក 0
បងប្អូនស្រីៗជំទង់៣នាក់ប្រឈមនឹងការកាត់ទោស នាំឲ្យផ្ទុះប្រតិកម្មពេញរុស្ស៊ី ក្រោយពួកគេសម្លាប់ឪពុក
ចន្លោះមិនឃើញ
បងប្អូនស្រីជំទង់ជនជាតិរុស្ស៊ី៣នាក់ ដែលបានចាក់សម្លាប់ឪពុកក្រោយពួកគេរាយការណ៍ថាបានធ្វើបាបផ្លូវកាយ និង បំពានផ្លូវភេទជាច្រើនឆ្នាំ អាចប្រឈមនឹងការកាត់ទោស ដែលនាំឲ្យផ្ទុះកំហឹង និង ការតវ៉ានៅទូទាំងប្រទេស។ នេះបើតាម New York Post រាយការណ៍នៅថ្ងៃសុក្រនេះ។
បងប្អូនស្រី៣នាក់ដែលមានឈ្មោះ ម៉ារី, អេនជេលីណា និង ក្រិស្ទីណា ត្រូវបានចោទប្រកាន់ពីបទឃាតកម្មគិតទុកជាមុន ក្រោយសម្លាប់ឪពុកបង្កើតឈ្មោះ មីឃែល វ័យ៥៧ឆ្នាំ កាលពីខែកក្កដាឆ្នាំទៅ ដោយប្រើកាំបិតចិតបន្លែ និង ញញួរ ដែលកាលណោះពួកគេមានអាយុ ១៧, ១៨ និង ១៩ឆ្នាំ។
យោងតាមមេធាវីរបស់បងប្អូនស្រីជំទង់ទាំង៣បានឱ្យដឹងថា ដោយសារការភ័យខ្លាចក្នុងជីវិតរស់នៅប្រចាំថ្ងៃ ពួកគេបានរង់ចាំរហូតដល់ឪពុកដេកលក់ ហើយក៏វាយដំ និង ចាក់សម្លាប់តែម្តង។
នៅថ្ងៃកើតហេតុ ពួកគេបានរាយការណ៍ប្រាប់ប៉ូលីសថា "ថ្ងៃដំបូងដែលយើងបានជួប នាងនិយាយថានាងស៊ូជាប់គុក ប្រសើរជាងរស់នៅផ្ទះនេះ"។
នៅល្ងាចកើតហេតុ ពួកគេបានប្រាប់ប៉ូលីសថា ឪពុករបស់ពួកគេបានបាញ់ស្ព្រៃយ៍ម្រេចដាក់ភ្នែកពួកគេជាទណ្ឌកម្មនឹងការដែលពួកគេមិនបោសសម្អាតផ្ទះ។
បើទោះបីជាទទួលស្គាល់ថាពួកគេទាំង៣នាក់ការពារខ្លួនពីការវាយដំជារៀងរាល់ថ្ងៃ និង ការបង្ខំពីឪពុកឲ្យពួកគេធ្វើសកម្មភាពផ្លូវភេទក៏ដោយ ប៉ុន្តែព្រះរាជអាជ្ញានៅតែថាបងប្អូនស្រីទាំង៣នាក់នេះត្រូវតែកាត់ទោសទៅតាមច្បាប់។
ការសម្រេចចិត្តនាំឲ្យមនុស្សប្រមាណ ២០០,០០០ នាក់ចុះហត្ថលេខាលើញត្តិមួយស្នើសុំឲ្យព្រះរាជអាជ្ញាលុបចោលការចោទប្រកាន់។
ប្រសិនបើបងប្អូនស្រីៗទាំង៣នាក់នេះត្រូវបានរកឃើញថាមានកំហុសមែន ពួកគេម្នាក់ៗនឹងអាចជាប់ពន្ធនាគាររហូតដល់២០ឆ្នាំ៕
អាន៖ រុស្ស៊ីរឹតត្បិតខ្លាំងពេលប្រលង ដល់ថ្នាក់ឲ្យសិស្សស្រីដោះអាវទ្រនាប់ចេញ ព្រោះហេតុផល២