Bale រងការប្រមាថពីសំណាក់អ្នកគាំទ្រ Real

2019-07-09 12:26:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងពេលវិលត្រលប់ចូលហ្វឹកហាត់ជាមួយក្រុមវិញ ខ្សែស្លាបក្លឹប Real Madrid កីឡាករ Gareth Bale មិនបានទទួលបានការស្វាគមន៍យ៉ាងកក់ក្ដៅឡើយ ប៉ុន្តែរងនូវការប្រមាថដោយពាក្យសម្ដីពីសំណាក់អ្នកគាំទ្រក្លឹបជើងឯក UEFA Champions Leauge ១៣សម័យនេះ។

អ្នកគាំទ្របានស្រែកទៅកាន់កីឡាករវេលនេះក្នុងភាសាអេស្ប៉ាញថា៖ " desagradecido '' ដែលមានន័យជាភាសាខ្មែរថា " រមិលគុណ " ខណៈអ្នកគាំទ្រទាំងនេះ ទះដៃអបអរ និងស្វាគមន៍កីឡាករដទៃៗទៀត។

ស្ថិតក្រោមស្ថានភាពបែបនេះ Bale ត្រូវបានគេសង្កេតឃើញថា មានការអត់ធ្មត់យ៉ាងខ្លាំងក្នុងសភាពទឹកមុខមាំមែនទែន កំឡុងពេលដែលបរឡាន Audi របស់ខ្លួនចូលកន្លែងហ្វឹកហាត់របស់ក្លឹប។

ខ្សែស្លាបរូបនេះ ហាក់បីដូចជាធ្លាក់ប្រជាប្រិយភាព និងទម្រង់លេងមែនទែន នេះបើតាមការយល់ឃើញរបស់មជ្ឈដ្ឋានបាល់ទាត់ ខណៈរដូវកាល ២០១៨/១៩ រូបគេរកបានតែ ១៤គ្រាប់ប៉ុណ្ណោះ៕