Moreno ចុះកុងត្រា៥ឆ្នាំជាមួយក្លឹបអេស្ប៉ាញ Villarreal
- 2019-07-10 01:27:58
- ចំនួនមតិ 0 | ចំនួនចែករំលែក 0
Moreno ចុះកុងត្រា៥ឆ្នាំជាមួយក្លឹបអេស្ប៉ាញ Villarreal
ចន្លោះមិនឃើញ
Villarreal បានចុះហត្ថលេខាទិញយក Alberto Moreno អតីតខ្សែការពារ Liverpool ដោយគ្មានតម្លៃខ្លួនក្រោយរូបគេបានផុតកុងត្រាជាមួយក្លឹបជើងឯកទ្វីបអឺរ៉ុប។
Moreno វ័យ២៧ឆ្នាំ នឹងស្នាក់នៅជាមួយក្លឹបនៃក្របខ័ណ្ឌ La Liga ក្នុងកុងត្រារយៈពេល៥ឆ្នាំ និងសង្ឃឹមថាអាចលេងបានជាប់លាប់បន្ទាប់ពី អង្គុយបម្រុងសឹងពេញមួយរដូវកាល កាលនៅ Anfield។ ខ្សែការពារឆ្វេងរូបនេះបានចំណាយពេល៥រដូវកាលជាមួយ Liverpool និងធ្លាប់លេងឲ្យជម្រើសជាតិអេស្ប៉ាញ៤ដងក្នុងអាជីព។
កីឡាករល្បឿនលឿនរូបនេះលេងបាន១៤១ប្រកួត ចាប់តាំងផ្ទេរពី Sevilla ទៅ Liverpool ក្នុងខែសីហា ឆ្នាំ២០១៤ កាលពីជំនាន់លោក Brendan Rodgers។ ការវិលទៅអេស្ប៉ាញវិញលើកនេះមានន័យថា Moreno នឹងត្រូវប្រឈមមុខជាមួយក្លឹបចាស់ Sevilla ជាទីដែលរូបគេហ្វឹកហាត់តាំងពីនៅយុវជន និងឈុតធំ៕