អាជ្ញាកណ្ដាល ចៅក្រម អ្នកចាប់គូ ណាស៊ីលុយគេប្រយ័ត្នជួប ACU
- 2019-07-11 08:39:12
- ចំនួនមតិ 0 | ចំនួនចែករំលែក 0
អាជ្ញាកណ្ដាល ចៅក្រម អ្នកចាប់គូ ណាស៊ីលុយគេប្រយ័ត្នជួប ACU
ចន្លោះមិនឃើញ
ឯកឧត្ដម តែម ម៉ឺន ប្រធានសហព័ន្ធប្រដាល់គុនខ្មែរ ថាបន្ទាប់ពីមានចំណាត់តាំងការងារតាមផ្នែកនិមួយៗនៅបណ្ដាស្ថានីយផ្សេងៗរួចហើយនេះ ចូលមន្ត្រីសហព័ន្ធទាំងអស់សូមអនុវត្តន៍ការងារឲ្យល្អត្រឹមត្រូវ ជាពិសេសអ្នកធ្លាប់ស៊ីលុយគេប្រយ័ត្នជួប ACU។
ប្រធានសហព័ន្ធខាងលើនេះ បានឲ្យដឹងថា ដើម្បីធ្វើកំណែទម្រង់ និងពង្រឹងសមត្ថភាពការងារតាមផ្នែកនិមួយៗ ឥលូវនេះសហព័ន្ធបានធ្វើចំណាក់តាំង រួមនិងប្រកាសឲ្យគ្រប់គ្នាបានដឹងរួចហើយ ដូច្នេះមន្រ្តីទាំងអស់ត្រូវធ្វើតាមតួនាទីរបស់ខ្លួនឲ្យបានត្រឹមត្រូវ។ សហព័ន្ធផ្ទាល់នឹងត្រួតពិនិត្យតាមក្រោយទៀត រាល់ការអនុវត្តរបស់មន្ត្រីទាំងអស់នោះ។
ឯកឧត្ដម បានឲ្យដឹងទៀតថា មន្ត្រីការងារមួយចំនួនដែលធ្លាប់ស៊ីលុយគេពីមុនសូមបញ្ឈប់ ហើយចំពោះអ្នកចាប់គូប្រកួតទៀតសោតដែលល្បីថាយកលុយគេទើបចាប់ឲ្យនោះ ក៏ដូចគ្នាមិនត្រូវប្រព្រឹត្តិទៀតឡើយ។ ករណីសង្ស័យណាមួយនោះ លោកនឹងបញ្ជូនរឿងនោះទៅខាងអង្គភាពប្រឆាំងអំពើពុករលួយស៊ើបអង្កេត និងដោះស្រាយតាមផ្លូវច្បាប់។
រំលឹកដែរថា សហព័ន្ធប្រដាល់គុនខ្មែរបន្ទាប់ពីមានការចង្អុលបង្ហាញពីភាពអសកម្ម និងចំណុចខ្វះខាតរបស់សម្ដេចតេជោ ក្នុងពិធីជួបជុំពិសាអាហារជាមួយកីឡាករ កីឡាការិនីកាលពីមុនចូលឆ្នាំប្រពៃណីខ្មែរកន្លងទៅនេះ គឺបានកែប្រែជាខ្លាំង រួមទាំងប្រជុំពង្រឹងសមត្ថភាពជាហូរហែមកដល់បច្ចុប្បន្ន។ ព្រឹកមិញនេះដែរសហព័ន្ធបានធ្វើពិធីបូកសរុបការងារប្រចាំត្រីមាស និងបានលើកទិសដៅថ្មីបន្ថែមទៀតនៅឯវិមានពហុកីឡដ្ឋានជាតិ៕
ដំណឹងល្អ! ឃីម ឌីម៉ា ព្យាបាលរបួសជង្គង់មិនអស់សូម្បី១រៀលខ្មែរនោះទេ
មកមើលគ្រាប់បាល់ទាំង៨គ្រាប់របស់ Balotelli នៅ Marseille
ប្រពន្ធ សេន ប៊ុនថេន៖ ខ្ញុំរៀបចំហាងសមរម្យហើយ ស្វាគមន៍អ្នកចង់មកមើលសម្ភារប្រដាល់