ឱកាសថ្មីសម្រាប់សិស្សនិស្សិត! លែងបារម្ភទៀតហើយ ចំពោះអាហារូបករណ៍ទៅក្រៅប្រទេស!

2019-07-11 16:00:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ធ្លាប់បារម្ភក្រោយពីជាប់បាក់ឌុប តើត្រូវរើសជំនាញអ្វី? ឬត្រូវធ្វើម៉េចទទួលបានអាហារូបករណ៍ទៅក្រៅប្រទេស? ឥឡូវការប្រឹក្សាយោបល់ឥតគិតថ្លៃអំពីអាហារូបករណ៍ និងការសិក្សាក្រៅប្រទេសកំពុងរង់ចាំជួយសិស្សនិស្សិតទូទាំងព្រះរាជាណាចក្រកម្ពុជា។

ដោយមើលឃើញកត្កាប្រឈមរបស់សិស្សនិស្សិតដែលលំបាកក្នុងការសំរេចអំពីជំនាញ និងការសិក្សានៅក្រៅប្រទេស យុទ្ធនាការតន្ត្រីអាហារូបករណ៍មហាសំណាងនិងចាប់ផ្តើមការប្រគុំតន្ត្រីទូទាំងប្រទេសដើម្បីបញ្ជៀបពត៌មានអាហារូបករណ៍ និងការយល់ដឹងអំពីវិធីសាស្ត្រពីសាស្ត្រាចារ្យ និងបុគ្គលដែលធ្លាប់មានបទពិសោធន៍សិក្សានៅក្រៅប្រទេស។ ក្រុមហ៊ុន Davitra (Cambodia) Co., Ltd បានសហការជាមួយនិងក្រុមហ៊ុនខ្មែរមហាសំណាងដើម្បីរៀបចំនូវយុទ្ធនាការនេះដែលមិនធ្លាប់មានពីមុនមក។

ក្នុងវិធីសន្និសីទសារពត៌មាន លោក អ៉ឹម ច័ន្ទបូរ៉ាជាតិ នាយកប្រតិបត្តិក្រុមហ៊ុន Davitra (Cambodia) Co., Ltd បានលើកឡើងថាក្រុមហ៊ុនប្រឹក្សាយោបល់អាហារូបករណ៍ និងការសិក្សាក្រៅប្រទេសមានសុទ្ធតែ អ្នកជំនាញវិជ្ជាជីវៈ និង អ្នកប្រឹក្សាដែលមានបទពិសោធន៍ទៅសិក្សានៅក្រៅប្រទេស និងរង់ចាំជួយជ្រោមជ្រែងសិស្សនិស្សិតអោយចាប់យកឱកាសសិក្សាប្រទេសក្រៅទៅតាមក្តីស្រម៉ៃ និងសមត្ថភាព។

លោកបានមានប្រសាសន៍ថា «សមត្ថភាពនៃសិស្សនិស្សិតនៅកម្ពុជាមានការរីកចំរើនមិនចាញ់សិស្សនិស្សិតនៅប្រទេសដ៏ទៃឡើយ» លោកបន្តថា «ដើម្បីធ្វើការសំរេចចិត្តយ៉ាងត្រឹមត្រូវពាក់ព័ន្ធនឹងការជ្រើសរើសមុខជំនាញ និងប្រទេសដែលជាគោលដៅសម្រាប់ធ្វើការសិក្សា ពង្រីកនូវឱកាសក្នុងការទទួលបានអាហារូបករណ៍ទៅសិក្សានៅប្រទេសក្នុងក្តីស្រមៃត្រូវទាមទារអោយមានការប្រឹក្សាយោបល់ពីអ្នកដែលមានជំនាញច្បាស់លាស់ដែលធ្លាប់បានទៅសិក្សានៅក្រៅប្រទេសពិតប្រាកដ»

ក្រុមហ៊ុន Davitra (Cambodia) Co., Ltd ក៏បានចាប់ដៃគូជាមួយក្រុមហ៊ុនប្រឹក្សាយោបល់លំដាប់អន្តរជាតិរបស់ប្រទេសអូស្ត្រាលី Yes Education ដែលមានទីស្នាក់ការនៅទីក្រុងស៊ីដនី និងជាដៃគូរបស់សកលវិទ្យាល័យជាង300សកលវិទ្យាល័យលើពិភពលោក។

យុទ្ធនាការអាហារូបករណ៍នេះ និងធ្វើការផ្សព្វផ្សាយអោយសិស្សានុសិស្សកម្ពុជាអោយបានយល់ដឹង និងត្រៀមខ្លួនជាស្រេចដើម្បីទៅសិក្សានៅក្រៅប្រទេស។ កញ្ញា ជិន និកា ជាប្រធានទំនាក់ទំនងសាធារណៈរបស់ក្រុមហ៊ុនខ្មែរមហាសំណាង បានមានប្រសាសន៍ថា «ដើម្បីចូលរួមលើកស្ទួយវិស័យអប់រំនៅក្នុងប្រទេសកម្ពុជាអោយកាន់តែមានភាពទូលំទូលាយ ក្រៅពីការប្រគុំតន្ត្រីអាហារូបករណ៍មហាសំណាង ក្រុមហ៊ុនក៏បានផលិតខ្សែវីដេអូខ្លីៗអប់រំជាច្រើនរឿងបន្ថែមទៀត អំពីការប្រឹក្សាដោយឥតគិតថ្លៃនេះ ដើម្បីយកទៅផ្សព្វផ្សាយតាមវិទ្យុ និងបណ្តាញសង្គមនានា »៕

ពត៌មានបន្ថែម Davitra https://web.facebook.com/Davitraconsulting/