Apple ចង់សម្លាប់មុខងារស្កេនមុខ ហើយនាំស្កេនម្រាមដៃមកវិញនៅឆ្នាំ ២០២០
- 2019-07-12 06:54:45
- ចំនួនមតិ 0 | ចំនួនចែករំលែក 0
Apple ចង់សម្លាប់មុខងារស្កេនមុខ ហើយនាំស្កេនម្រាមដៃមកវិញនៅឆ្នាំ ២០២០
ចន្លោះមិនឃើញ
នៅឆ្នាំ ២០១៧ Apple បានប្រកាសនូវវិធីថ្មីក្នុងការដោះសោចូលក្នុងទូរសព្ទ គឺប្រើប្រាស់ Face ID ហើយដកចេញស្កេនម្រាមដៃឬ Touch ID ដែលមានតាំងពី iPhone 5s។ ថ្មីៗនេះមានដំណឹងមួយបានលើកឡើងថា Apple នឹងនាំ Touch ID មកវិញជំនួស Face ID។
លោក Ming-Chi Kuo ដែលជាអ្នកលេចចេញដំណឹងពីApple ដ៏ល្បីម្នាក់បានលើកឡើងថា ៖ នៅឆ្នាំ២០២០ យ៉ាងតិច iPhone មួយក្នុងស៊េរីទាំង ៣ នឹងមានក្បាលឆកឬ notch តូចជាងមុន អេក្រង់លាតធំជាងមុន ដោយសារការដកមុខងារស្កេនមុខចេញ។ មិនតែប៉ុណ្ណោះ Touch ID ថ្មីនោះគឺមិនមែនជាប៊ូតុងចាស់ឡើយ តែជា sensor ដែលអាចឲ្យអ្នកស្កេនម្រាមដៃនៅកន្លែងណាក៏បានពេញអេក្រង់ ប្រៀបដូចជាការបង្កប់ទ្រនាប់ស្កេនលើអេក្រង់ដែលស្មាតហ្វូន Android មានប្រើកន្លងមកដែរ។
លោកបានបន្តថា ឆ្នាំក្រោយ iPhone ទាំង ៣ នឹងបំពាក់មកជាមួយអេក្រង់ OLED ដូចគ្នា លែងមានប្រើអេក្រង់ LCD ហើយមានទំហំ ៦,៧ អ៊ីញ, ៥,៤ អ៊ីញ, និង ៦,១ អ៊ីញ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
