ចិនព្រមានមិនរកស៊ីជាមួយក្រុមហ៊ុនអាម៉េរិកណាលក់សព្វាវុធឲ្យតៃវ៉ាន់

2019-07-15 10:08:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ទាំងរដ្ឋាភិបាល និងក្រុមហ៊ុនចិនបានព្រមានពីការដាក់ទណ្ឌកម្មទៅលើក្រុមហ៊ុនអាម៉េរិកណាដែលបានប្រកាសលក់សព្វាវុធដល់កោះតៃវ៉ាន់។

កាលពីសប្ដាហ៍មុនមន្ទីរបង់តាហ្គោនបានប្រកាសថាក្រសួងការបរទេស អាម៉េរិកអនុញ្ញាតឲ្យលក់អាវុធទៅកោះតៃវ៉ាន់តាមសំណើរបស់កោះមួយនេះ។ ការលក់ដូរនេះក្នុងទំហំទឹកប្រាក់២,២ពាន់លានដុល្លារអាម៉េរិកលើរថក្រោះ និងមីស៊ីលជាដើម។

ចិនកាលពីថ្ងៃសុក្រកន្លងទៅនេះបាននិយាយថាខ្លួនអាចនឹងដាក់ទណ្ឌកម្មទៅក្រុមហ៊ុនដែលលក់អាវុធទៅឲ្យតៃវ៉ាន់ ប៉ុន្តែមិនបាននិយាយលម្អិតនោះទេ។ អ្នកនាំពាក្យក្រសួងការបរទេសចិននិយាយថាកាលក់អាវុធនេះបានបំពានទៅនឹងច្បាប់អន្តរជាតិ និងប៉ះពាល់ដល់បូរណភាព និងសន្តិខុសរបស់ចិន។

លោកបន្តថា៖«រដ្ឋាភិបាលចិន និងក្រុមហ៊ុនចិន នឹងមិនទាក់ទករកស៊ីជាមួយក្រុមហ៊ុនអាម៉េរិកទាំងនេះ...ខ្ញុំមិនទាន់អាចនិយាយច្រើនពីរឿងនេះទេ ប៉ុន្តែជឿចុះ ប្រជាជនចិនតែគោរពពាក្យសម្ដីជានិច្ច»៕

ប្រភព៖ Channelnewsasia ប្រែសម្រួល៖ ទូច សុខា