សមត្ថកិច្ចកំពុងកសាងសំណុំរឿងបុរសម្នាក់ទៅតុលាកាទាក់ទងនឹងការលក់ស៊ីមមិនយកអត្តសញ្ញាណប័ណ្ណ
- 2019-07-16 05:01:25
- ចំនួនមតិ 0 | ចំនួនចែករំលែក 0
សមត្ថកិច្ចកំពុងកសាងសំណុំរឿងបុរសម្នាក់ទៅតុលាកាទាក់ទងនឹងការលក់ស៊ីមមិនយកអត្តសញ្ញាណប័ណ្ណ
ចន្លោះមិនឃើញ
បុរសជាម្ចាស់ហាងលក់ទូរសព្ទ និងបញ្ចាំមួយកន្លែងត្រូវឃាត់ខ្លួន និងកំពុងត្រូវសមត្ថកិច្ចកសាងសំណុំរឿងទៅតុលាការពាក់ព័ន្ធនឹងការលក់ស៊ីមកាតមិនយកអត្តសញ្ញាណប័ណ្ណរបស់អ្នកទិញ។
នាយកដ្ឋានប្រឆាំងបទល្មើសបច្ចេកវិទ្យា បានឲ្យដឹងនៅព្រឹកនេះតាមរយៈហ្វេសប៊ុករបស់ខ្លួនថាបុរសខាងលើមានវ័យ៤១ឆ្នាំ អ្នកម្ចាស់ហាងលក់ទូរសព្ទ និងបញ្ចាំ ហើយត្រូវបាននាំខ្លួនមកសាកសួរកាលពីថ្ងៃទី១១ ខែកក្កដា ឆ្នាំ២០១៩។
ការសាកសួរនេះប្រភពខាងលើថាពាក់ព័ន្ធនឹងការលក់ស៊ីមកាតមិនយកអត្តសញ្ញាណប័ណ្ណ ពីអ្នកទិញ ឬប្រើអត្តសញ្ញាណប័ណ្ណជំនួស និងបានទាំងប្រើLED ផ្សាយពីការលក់ស៊ីមរបៀបនេះផងដែរ។
ប្រភពបញ្ជាក់ថា៖ «ដោយធ្វើអក្សរLED រត់ពីមុខហាង"ទិញស៊ីមកាតមិនចាំបាច់ប្រើអត្តសញ្ញាណបណ្ណ" ដែលផ្ទុយពីលិខិតរបស់និយ័តករទូរគមនាគមន៍កម្ពុជា លេខ១១០៦ ន.ទ.ក ចុះថ្ងៃទី ២១ ខែមិថុនា ឆ្នាំ២០១៨ ស្តីពីឱសានវាទចុងក្រោយ ត្រឹមថ្ងៃ០១ ខែកក្កដា ឆ្នាំ២០១៨ ក្នុងការបញ្ឈប់ ការលក់ស៊ីមកាតទូរសព្ទ័ដោយមិនយកអត្តសញ្ញាណបណ្ណ និងច្បាប់ស្តីពីទូរគមនាគមន៍»។
បច្ចុប្បន្នបុរសខាងលើត្រូវបានសមត្ថកិច្ចកកំពុងកសាងសំណុំរឿងបញ្ជូនទៅតុលាការ៕