ប្រវត្តិសង្ខេបៗនៃ ពាន Premier League អាស៊ី
- 2019-07-16 12:41:47
- ចំនួនមតិ 0 | ចំនួនចែករំលែក 0
ប្រវត្តិសង្ខេបៗនៃ ពាន Premier League អាស៊ី
ចន្លោះមិនឃើញ
ពាន Premier League អាស៊ី ជាពាននៃប្រកួតមិត្តភាព ដែលមានការចូលរួម ដោយក្លឹប Premier League ចំនួន ៤ ប៉ុន្តែនៅមុនឆ្នាំ២០១៧ ពានមួយនេះ លេងដោយក្លឹប Premier League ចំនួន ៣ និងក្រុមម្ចាស់ផ្ទះមួយ (អាចជាក្លឹបនៃម្ចាស់ស្រុក ឬ ក្រុមជម្រើសជាតិ)។
ការបង្កើតព្រឹត្តិការណ៍នេះឡើង ធ្វើក្នុងគោលបំណង ទាក់ទាញការគាំទ្រចំពោះលីគកំពូលអង់គ្លេស ពីប្រិយមិត្តទ្វីបអាស៊ី។ នៅក្នុងអាស៊ីអាគ្នេយ៍យើងមានប្រទេសចំនួន ៣ ដែលធ្លាប់ធ្វើម្ចាស់ផ្ទះពាននេះគឺ ប្រទេសថៃ (បាងកក ២០០៥), ប្រទេសម៉ាឡេស៊ី (កូឡាឡាំពួរ ២០០៣) និងប្រទេសសិង្ហបុរី (សិង្ហបុរី ២០១៥)។
ពាននេះតែងតែលេង ៣សប្ដាហ៍ មុនការបើករដូវកាលថ្មីរបស់ Premier League ដោយការប្រកួតមិត្តភាពនេះ អាចកំណត់ថា ជាប្រកួតកម្ដៅសាច់ដុំចុងក្រោយ នៅមុនការបើករដូវកាល (Pre-season)។
ពាននេះដែរ ធ្វើរៀងរាល់ ២ឆ្នាំម្ដង ក្នុងបំណងមិនឲ្យជាន់ជាមួយ ប្រកួត FIFA World Cup ឬ ពាន UEFA Euro។
ក្នុងឆ្នាំ២០១៩នេះ ពាន Premier League អាស៊ី នឹងលេងក្នុងប្រទេសចិន នៅទីក្រុងណានជីង និងទីក្រុងសៀងហៃ ដែលធ្វើឡើងក្នុងថ្ងៃទី១៧ និង ២០ ខែកក្កដា ដោយមានវត្តមានក្លឹប Newcastle United, ក្លឹប Manchester City, ក្លឹប Wolverhampton Wanderers និងក្លឹប West Ham United៕