ការពារជើងឯកអាហ្វ្រិកមិនបាន កាមេរូន បណ្ដេញ Seedorf ចេញពីតំណែង
- 2019-07-17 02:11:23
- ចំនួនមតិ 0 | ចំនួនចែករំលែក 0
ការពារជើងឯកអាហ្វ្រិកមិនបាន កាមេរូន បណ្ដេញ Seedorf ចេញពីតំណែង
ចន្លោះមិនឃើញ
អតីតខ្សែបម្រើហូឡង់ Clarence Seedorf ត្រូវបណ្ដេញចេញពីតួនាទីជាគ្រូបង្វឹកក្រុមជម្រើសជាតិកាមេរូន ក្រោយមិនអាចជួយក្រុមការពារជើងឯក Africa Cup of Nations។
បុរសវ័យ៤៣ឆ្នាំដែលធ្លាប់លេងឲ្យ AC Milan និង Real Madrid ទើបដឹកនាំក្រុមបាន១ឆ្នាំប៉ុណ្ណោះ ក៏ត្រូវបញ្ឈប់តួនាទីក្រោយកាមេរូនធ្លាក់ចេញពីកម្មវិធីត្រឹមវគ្គ១៦ក្រុម ក្រោមថ្វីជើងនីហ្សេរីយ៉ា។ ជំនួយការគ្រូបង្វឹកលោក Patrick Kluivert ក៏ត្រូវចាកចេញពីតំណែងដូចគ្នា។
Seedorf និង Kluivert ពីដំបូងត្រូវសហព័ន្ធផ្ដល់កុងត្រា៤ឆ្នាំដើម្បីឲ្យពួកគេដឹកនាំក្រុមដល់ឆ្នាំ២០២២ ស្របពេល២០២១ កាមេរូនផ្ទាល់គឺជាម្ចាស់ផ្ទះ Africa Cup of Nations ប៉ុន្តែពេលនេះអ្នកទាំងពីរអស់ឱកាសមាសរបស់ខ្លួនទៅហើយ។ កាមេរូននឹងប្រកាសពីគ្រូបង្វឹកក្រុមជម្រើសជាតិថ្មីនៅពេលឆាប់ៗខាងមុខ៕