Huawei ចង់ប្រើលុយធំដើរ 'Plan B' ដើម្បីឈប់ពឹងពាក់អាមេរិកត្រឹមឆ្នាំ ២០២១

2019-07-18 01:16:07
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមសារព័ត៌មាន GizChina បានសម្រង់នូវពាក្យសម្តីរបស់នាយកជាន់ខ្ពស់នៃក្រុមហ៊ុន Huawei ពីផែនការណ៍ត្រៀមបញ្ចប់ការពឹងពាក់ទៅលើក្រុមហ៊ុននិងការប្រើបច្ចេកវិទ្យារបស់អាមេរិកនៅពេលដ៏ខ្លីខាងមុខ។

នៅកិច្ចសម្ភាសន៍ជាមួយ Challenges អនុប្រធានជាន់ខ្ពស់របស់ក្រុមហ៊ុន Huawei នៅប្រទេសបារាំងលោក Zhang Minggang បានបង្ហាញការជឿជាក់ថាក្រុមហ៊ុនរបស់ខ្លួននឹងនៅតែបន្តឈរលើគោលជំហររឹងមាំ ជាមួយការព្យាយាមអភិវឌ្ឍនូវប្រព័ន្ធប្រតិបត្តិផ្ទាល់ខ្លួន ជាជាងការពឹងពាក់ពី Android របស់ Google។

ជាងនេះលោកបានសង្កត់ធ្ងន់ថា៖ "ប្រសិនណាស្ថានភាពនៅតែបន្តដល់ឆ្នាំ ២០២១ នោះយើងនឹងប្រើប្រាស់បច្ចេកវិទ្យារបស់យើងដោយខ្លួនឯង ជាមួយការវិនិយោគដ៏ចាំបាច់ដើម្បីដំណើរការផែនការណ៍ B"។

រំឭកថាក្នុងពេលបច្ចុប្បន្ននេះរាល់បណ្តាក្រុមហ៊ុនក្នុងទឹកដីអាមេរិកដែលចង់វិនិយោគជាមួយក្រុមហ៊ុនចិន គឺរដ្ឋាភិបាលបានដាក់សម្ពាធឥតឈប់ឈរ ហើយក៏មិនច្បាស់ពីពេលវេលាជាក់លាក់ណាមួយដែលថាលោក Trump នឹងព្រមព្រៀងបញ្ចប់ជម្លោះនៃសង្រ្គាមពាណិជ្ជកម្មមួយនេះដែរ។