Bill Gates ធ្លាក់តំណែងមួយលេខទៀត នៅបញ្ជីអ្នកមានជាងគេក្នុងលោក
- 2019-07-18 03:55:49
- ចំនួនមតិ 0 | ចំនួនចែករំលែក 0
Bill Gates ធ្លាក់តំណែងមួយលេខទៀត នៅបញ្ជីអ្នកមានជាងគេក្នុងលោក
ចន្លោះមិនឃើញ
លោក Bill Gates លែងមានឈ្មោះជាបុគ្គលមានជាងគេលើលោកលំដាប់លេខ ២ តទៀតហើយ ដោយតំណែងនេះត្រូវបានទៅលើលោក Bernard Arnault មហាសេដ្ឋីបារាំងវិញ។
លោក Bernard គឺជានាយកប្រតិបត្តិក្រុមហ៊ុនផលិតគ្រឿងប្រើប្រាស់ប្រណិត LVMH ដែលលោកបានដណ្ដើមតំណែងស្ថាបនិក Microsoft កាលពីថ្ងៃអង្គារ។ នេះជាលើកដំបូងហើយដែលលោក Bill Gates ធ្លាក់ចេញពីតំណែងកំពូលទាំង ២។
លោក Bernard ដែលមានវ័យ ៧០ ឆ្នាំ មានទ្រព្យសម្បត្តិប្រហែល ១០៨ ពាន់លានដុល្លារ ដោយបានកើនឡើង ៣៩ ពាន់លានដុល្លារ នៅរយៈពេល ១ ឆ្នាំចុងក្រោយ។ ចំណែកលោក Bill Gates មានទ្រព្យសម្បត្តិ ១០៧ ពាន់លានដុល្លារ។
LVMH គឺជាក្រុមហ៊ុនធំមួយ ដែលកាន់កាប់ម៉ាកសំលៀកបំពាក់ដូចជា Louis Vuitton, Christian Dior និង Givenchy ហើយក៏កាន់កាប់ម៉ាកស្រាសាំប៉ាញ Dom Pérignon និងហាងលក់គ្រឿងសម្អាង Sephora ផងដែរ។
តាមរយៈ Bloomberg បានឲ្យដឹងថា លោក Bill Gates អាចនឹងនៅឈរតំណែងលេខមួយ ប្រសិនបើមិនបរិច្ចាគទ្រព្យសម្បត្តិទេនោះ។ ស្ថាបនិករូបនេះបានបរិច្ចាគប្រាក់សរុបអស់ជាង ៣៥ ពាន់លានដុល្លារ ដល់មូលនិធិ Bill & Melinda Gates។
លោក Jeff Bezos នាយកប្រតិបត្តិ Amazon នៅតែឈរតំណែងកំពូលនៃបញ្ជីអ្នកមានជាងគេ ដោយមានទ្រព្យសម្បត្តិប្រមាណ ១២៥ ពាន់លានដុល្លារ៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
