មកស្គាល់ប្រវត្តិដៃគូរបស់ ចាន់ រតនា កម្ពស់ត្រឹម១,៥០ម៉ែត្រប៉ុណ្ណោះតែជាម្ចាស់មេដាយមាសចំបាប់
- 2019-07-19 03:36:40
- ចំនួនមតិ 0 | ចំនួនចែករំលែក 0
មកស្គាល់ប្រវត្តិដៃគូរបស់ ចាន់ រតនា កម្ពស់ត្រឹម១,៥០ម៉ែត្រប៉ុណ្ណោះតែជាម្ចាស់មេដាយមាសចំបាប់
ចន្លោះមិនឃើញ
អ្នកលេងក្បាច់ក្នុងទ្រុងកម្ពុជា ចាន់ រតនា នឹងឡើងសង្វៀន ONE Championship នាថ្ងៃទី១៦ខែសីហាឆ្នាំ២០១៩ខាងមុខនេះ នៅប្រទេសថៃ ជួបជាមួយជើងខ្លាំងសញ្ជាតិគុយបា Gustavo Balart។ មុនការប្រកួតមកដល់មកដឹងប្រវត្តិរបស់ Gustavo បន្តិចទៅមើល។
កីឡាករគុយបារូបនេះមានឈ្មោះពេញ Gustavo Eddy Balart Marin កើតនៅឆ្នាំ១៩៨៧ បច្ចុប្បន្នវ័យ៣២ ប្អូនចាន់ រតនា១ឆ្នាំ។ និយាយពីកម្ពស់វិញ គេមានត្រឹម១,៥០ម៉ែត្រតែប៉ុណ្ណោះ ទាបជាងរតនាឆ្ងាយណាស់។ Gustavo ជាកីឡាករជំនាញខាងចំបាប់ ធ្លាប់ឈ្នះមេដាយមាសក្នុងព្រឹត្តិការណ៍ Pan American Games កាលពីឆ្នាំ២០១១ ដែលរៀបចំនៅប្រទេសម៉ិចសិក។
គេក៏ធ្លាប់ចូលរួមព្រឹត្តិការណ៍អូឡាំពិករដូវក្ដៅនៅទីក្រុងឡុងដ៏ ប្រទេសអង់គ្លេស ពេលនោះប្រកួតវិញ្ញាសាចំបាប់ក្នុងប្រភេទ៥៥គីឡូក្រាម ធ្លាក់ត្រឹមវគ្គ៨នាក់ចុងក្រោយ។ Gustavo ចាប់ផ្ដើមប្រលូកក្នុងវិស័យគុនចម្រុះ MMA ក្នុងឆ្នាំ ២០១៥ ដោយប្រកួតដំបូងឈ្នះពិន្ទុកីឡាករ Gomez ក្នុងប្រទេសកូឡុំប៊ី។
និយាយពីកំណត់ត្រាប្រកួត MMA របស់ Gustavo ធ្លាយវាយបាន១០ប្រកួត ឈ្នះ៨ ចាញ់តែ២ប៉ុណ្ណោះ។ គេធ្លាប់ប្រកួតក្នុងកម្មវិធី ONE Championship ម្ដងកាលពីខែ មេសា ឆ្នាំ ២០១៩ថ្មីៗនេះ ជាមួយកីឡាករជប៉ុន Wada តែចាញ់ពិន្ទុទាំងមិនអស់ចិត្ត ក្នុងការដណ្ដើមពាន Flyweight Grand Prix ៨នាក់ចុងក្រោយ៕