De Ligt និយាយចំៗថា ខ្លួនមក Juventus មិនមែនដោយសារកត្តា Ronaldo ទេ
- 2019-07-19 11:50:37
- ចំនួនមតិ 0 | ចំនួនចែករំលែក 0
De Ligt និយាយចំៗថា ខ្លួនមក Juventus មិនមែនដោយសារកត្តា Ronaldo ទេ
ចន្លោះមិនឃើញ
ក្នុងសន្និសីទនៃការបង្ហាញខ្លួនជាកីឡាករ Juventus ខ្សែការពារហុល្លង់កីឡាករ Matthijs De Ligt បានលើកឡើងថា ខ្លួនចង់មកលេងនៅទីនេះ ដោយសារតែគ្រូបង្វឹកជនជាតិអ៊ីតាលីលោក Maurizio Sarri ហើយអះអាងថា ខ្សែប្រយុទ្ធព័រទុយហ្គាល់កីឡាករ Cristiano Ronaldo មិនមានឥទ្ធិពលមកលើខ្លួនឡើយ។
កីឡាកររូបនេះបាននិយាយថា៖ " ក្រោយពីវគ្គផ្ដាច់ព្រ័ត្រ UEFA Nations League ខ្ញុំច្បាស់ណាស់ថា ខ្ញុំនឹងមកលេងនៅ Juventus ប៉ុន្តែវាជាការលួងចិត្តខ្លាំងណាស់ដែរ ដែលបាន Ronaldo ហៅមកចូលរួមជាមួយ ប៉ុន្តែយ៉ាងណាក៏ដោយ ក៏វាមិនមានអីខុសប្លែកច្រើនទេ " ។
ខ្សែការពាររូបនេះបានបន្តថា៖ " ខ្ញុំមកទីនេះ ដោយសារអ៊ីតាលីជាប្រទេសប្រពៃណីខាងខ្សែការពារ ហើយ Juventus ជាជំហានទៅមុខសម្រាប់ខ្ញុំ " ។
De Ligt បាននិយាយថា អ្នកដែលធ្វើឲ្យគេមក Juventus គឺ លោក Maurizio Sarri ដោយសារតែ កីឡាកររូបនេះ ពេញចិត្តនឹងរបៀបដឹកនាំខ្សែការពាររបស់លោក។
គួរបញ្ជាក់ផងដែរថា ខ្សែការពារហុល្លង់រូបនេះ បានផ្ទេរមកកាន់ Juventus ក្នុងតម្លៃខ្លួន ៨៤លានដុល្លារ៕