អ្នកបានឃើញ iPhone 11 ផ្ទាល់ភ្នែក ប្រាប់ខ្ទេចអំពីចំណុចពិសេស
- 2019-07-24 01:47:49
- ចំនួនមតិ 0 | ចំនួនចែករំលែក 0
អ្នកបានឃើញ iPhone 11 ផ្ទាល់ភ្នែក ប្រាប់ខ្ទេចអំពីចំណុចពិសេស
ចន្លោះមិនឃើញ
វិបសាយព័ត៌មានអំពីផលិតផល Apple ឈ្មោះថា 9TO5Mac ទទួលបានដំណឹងថ្មីជុំវិញ iPhone ដែលប្រកាសចេញនាឆ្នាំ ២០១៩ នេះ ដែលទទួលបានពីអ្នកបានឃើញ iPhone ជំនាន់ថ្មីផ្ទាល់ភ្នែក។
ស្រដៀងទៅនឹងឆ្នាំមុនដែរ នៅឆ្នាំ ២០១៩ នេះ Apple នឹងប្រកាសចេញ iPhone ចំនួនបីម៉ូដែល ដែលមានបំពាក់បន្ទះឈីប A13។ ផ្អែកតាមអ្នកដែលបានឃើញ iPhone ទាំងបី បានឲ្យដឹងថា វាទាំងបីនឹងនៅតែប្រើរន្ធប្រភេទ Lightning ជម្រះមន្ទិលដែលសង្ស័យថា Apple ប្ដូរប្រើរន្ធ USB-C វិញ។
iPhone ថ្មីនេះ មានឈ្មោះសម្គាល់ថា D42 (iPhone 12,3) ដែលមកស្នងតំណែង iPhone XS, ឈ្មោះសម្គាល់ D43 (iPhone 12,5) ចូលមកស្នងតំណែង iPhone XS Max និងឈ្មោះសម្គាល់ N104 (iPhone 12,1) ចូលមកជំនួស iPhone XR។ D42 និង D43 នឹងមានបំពាក់អេក្រង់ OLED Retina ចំណែក N104 មានបំពាក់អេក្រង់ LCD ដូចមុនដដែល ហើយកម្រិតបង្ហាញរូបភាពនៃម៉ូដែលទាំងបីមិនប្រែប្រួលខុសពីមុននោះទេ។
iPhone ឆ្នាំ ២០១៩ ក៏នឹងបំពាក់មុខងារថ្មីឈ្មោះថា Taptic Engine ដែលមានឈ្មោះសម្គាល់ថា Leap Haptics។ គេនៅមិនច្បាស់ថាមុខងារថ្មីនេះមានចំណុចពិសេសអ្វីនោះទេ ប៉ុន្តែអាចជាប់ទាក់ទងនឹង Haptic Touch ព្រោះថា iPhone ថ្មី មិនមាន 3D Touch នោះទេ។
D42 និង D43 នឹងមានបំពាក់កាមេរ៉ាខាងក្រោយចំនួនបីគ្រាប់ នៅក្នុងដង្គុំកាមេរ៉ាដែលមានរាងបួនជ្រុង។ ប្រភពបានបញ្ជាក់ថា រូបរាងរបស់វាពិតជាដូចគ្នាខ្លាំង ទៅនឹងរូបភាព Render ដែលចេញផ្សាយកន្លងមកជាបន្តបន្ទាប់។ ដង្គុំកាមេរ៉ានេះ នឹងមានបំពាក់មកជាមួយកាមេរ៉ាមួយដែលអាចថតរូបបានទូលាយ (Wide-Angle) ដូចដែល Bloomberg ធ្លាប់ចេញផ្សាយដែរ។
កាមេរ៉ាខាងមុខនៅលើ iPhone ស៊េរីថ្មីក៏នឹងមានសមត្ថភាពខ្លាំងលើសមុន ដោយបន្ថែមមុខងារថតវីដេអូល្បឿនយឺត ១២០ ប្លង់/វិនាទី។ iPhone ស៊េរី ២០១៩ រំពឹងថានឹងប្រកាសចេញនាខែកញ្ញាខាងមុខនេះ៕
ចុចអាន៖