ហេតុផលមួយចំនួន អ្នកគួរកាត់ចិត្តពី iPhone XS ហើយត្រៀមលុយរង់ចាំ iPhone ជំនាន់ថ្មី
- 2019-07-24 06:58:29
- ចំនួនមតិ 0 | ចំនួនចែករំលែក 0
ហេតុផលមួយចំនួន អ្នកគួរកាត់ចិត្តពី iPhone XS ហើយត្រៀមលុយរង់ចាំ iPhone ជំនាន់ថ្មី
ចន្លោះមិនឃើញ
ត្បិត iPhone XS/XS Max និង iPhone XR រាប់ជាស្មាតហ្វូនស្ថិតក្នុងជម្រើសដ៏ល្អមួយ ប៉ុន្តែប្រសិនអ្នកកំពុងលៃលកចង់បាន iPhone ថ្មី គួរណាដាក់ចិត្តធ្វើការរង់ចាំ ព្រោះម៉ូឌែលក្រោយដែលកៀកនឹងប្រកាសទៅហើយនោះ ក៏ល្ហិចល្ហៀងថាមានចំណុចខ្លាំងជាច្រើន។
ចំណុចខ្លាំង ៣ ដែលរំពឹងកើតមានលើ iPhone ឆ្នាំ ២០១៩ មានដូចជាការអភិវឌ្ឍមុខងារកាមេរ៉ា បច្ចេកវិទ្យាសាកថ្មឥតខ្សែជំនាន់ថ្មី និងប្រព័ន្ធភ្ជាប់ (Cellular/Wi-Fi..)។
ជាការពិតភាគរយច្រើន iPhone XI នឹងមានប្រើប្រាស់កាមេរ៉ា ៣ គ្រាប់ ដោយអនុញ្ញាតឲ្យអតិថិជនអាចទទួលបទពិសោធន៍ថ្មីលើមុខងារ Zoom ការពង្រឹងមុខងារថតនៅទីខ្សោយពន្លឺ និងការប្រើប្រាស់លេន Wide-angle។
ជាងនេះទៅមើលមុខងារសាកថ្មឥតខ្សែ Wireless Charge ក៏នឹងកាន់តែវិសេសវិសាលជាងមុន ដោយអ្នកអាចធ្វើការសាក AirPods ឬឧបករណ៍គាំទ្រប្រព័ន្ធ Qi ដទៃទៀត ដោយត្រឹមដាក់ឧបករណ៍ទាំងនោះទៅលើសំបកខ្នងក្រោយនៃ iPhone។
ចំពោះប្រព័ន្ធតំណភ្ជាប់មួយចំនួនដូចជាល្បឿនអ៊ីនធឺណិត Wi-Fi និង Bluetooth ពោលគឺសុទ្ធសឹងមានការអភិវឌ្ឍរុញច្រានឲ្យមានល្បឿនលឿនជាងមុន ដែលនេះសុទ្ធតែជាចំណុចខ្លាំងសមល្មមនឹងអ្នកគួរទុកលុយដើម្បីលៃលក iPhone សេរ៊ីឆ្នាំ ២០១៩ ចេញផ្សាយនៅខែកញ្ញានេះវិញ៕
អានអត្ថបទ:
មិនគួរឲ្យជឿ! Google ឲ្យលុយម្នាក់ ៥ ដុល្លារព្រោះតេស្តចង់បច្ចេកវិទ្យាថ្មីមួយ
Mobile Legends ត្រៀមចេញ version 2.0 ថ្មី នាំមកជាមួយកំណែទម្រង់ជាច្រើន