គ្រូស្វាយរៀង តបវិញយ៉ាងណា ចំពោះសម្ដីគ្រូក្រោននិយាយម្សិលមិញនេះ?

2019-07-26 03:19:32
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ស៊ុម វណ្ណា គ្រូបង្វឹកក្រុមភ្នំពេញក្រោន បាននិយាយកាលពីម្សិលមិញនេះថាលោកចង់បង្អាក់ដំណើរឈ្នះរហូតរបស់ក្រុមព្រះខ័នរាជស្វាយរៀងក្នុងសប្ដាហ៍ទី ១៧នេះ។ ដោយមិនអាចឈ្នះ ក៏ត្រូវតែស្មើឱ្យបានដែរ។

លោក Conor Nestor

ឆ្លើយតបជាមួយការអះអាងខាងលើរបស់គ្រូក្រោន លោក Conor Nestor គ្រូបង្វឹកក្រុមព្រះខ័នរាជស្វាយរៀង បានបង្ហាញចំណាប់អារម្មណ៍ដែរថា៖ “ខ្ញុំគោរពចំពោះមតិរបស់គាត់ ខ្ញុំគិតថាគាត់និយាយអ្វីដែលមនុស្សជាច្រើនកំពុងគិត។ ថ្ងៃទី២៦ខែសីហាឆ្នាំ ២០១៨គឺជាពេលចុងក្រោយដែលកីឡាកររបស់យើងចាញ់ការប្រកួត ដូច្នេះប្រសិនបើក្រោនអាចយកឈ្នះយើង យើងនឹងអបអរចំពោះពួកគេ។ ប៉ុន្តែយើងនៅកន្លែងដែលយើងនៅ ព្រោះយើងបានផ្ដោតលើការបង្កើតអ្វីដែលជារបស់យើង ការជោគជ័យយើង មិនមែនមកពីការចង់បញ្ឈប់នរណានោះទេ”។

លោក ស៊ុម វណ្ណា

សម្រាប់សំនួរថា តើក្រុមស្វាយរៀងនឹងឈ្នះការប្រកួតថ្ងៃអាទិត្យនៅទឹកដីក្រោនចុងសប្ដាហ៍នេះទេ? លោក Conor បានបញ្ជាក់ថាលោកតែងតែជឿជាក់លើក្រុម និងគោរពដល់ដៃគូប្រកួតជានិច្ច ដូចដែលក្រុមបានធ្វើកន្លងមក៕

អត្ថបទ៖ ប្រុស យុទ្ធ