ភ្ញៀវទេសចរចូលតាមច្រកកងកេងខេត្តព្រះសីហនុកើនជាង៣០០ភាគរយ ខណៈតាមសៀមរាបថយចុះ
- 2019-07-26 08:29:24
- ចំនួនមតិ 0 | ចំនួនចែករំលែក 0
ភ្ញៀវទេសចរចូលតាមច្រកកងកេងខេត្តព្រះសីហនុកើនជាង៣០០ភាគរយ ខណៈតាមសៀមរាបថយចុះ
ចន្លោះមិនឃើញ
ក្រសួងទេសចរណ៍ឲ្យដឹងថាប្រាំខែដើមឆ្នាំ២០១៩នេះកម្ពុជាទទួលបានភ្ញៀវទេសចរអន្តរជាតិជិតបីលាននាក់ កើនជាង១០ភាគរយបើធៀបទៅនឹងរយៈពេលដូចគ្នាឆ្នាំ២០១៨។
នៅថ្ងៃនេះក្រសួងទេសចរណ៍បានបង្ហាញរបាយការណ៍ថាចំនួនភ្ញៀវទេសចរអន្តរជាតិមកកម្ពុជាមានចំនួន២ ៨៨៨ ៤៦១នាក់ កើនឡើង ១១,៤% បើធៀបនឹងរយៈពេលដូចគ្នានៅឆ្នាំ២០១៨ ប៉ុន្តែថាភ្ញៀវទេសចរអន្តរជាតិចូលតាមអាកាសយានដ្ឋានអន្តរជាតិសៀមរាបធ្លាក់ចុះខ្លះ។
ប្រភពបន្តថាភ្ញៀវចូលមកកម្ពុជាតាមផ្លូវអាកាសមានចំនួន ២ ០១៨ ៩៣៥នាក់ កើនឡើង ១៦,៩% ក្នុងនោះចូលតាមច្រកភ្នំពេញចំនួន ៩២៣ ៧៧១នាក់ កើនឡើង១៧,៦% តាមច្រកសៀមរាបចំនួន ៨៤៦ ២៦៧នាក់ ថយចុះ ៤,៥% និងតាមច្រកកងកេងចំនួន ២៤៨ ៨៩៧នាក់ កើនឡើង ៣៤៤,៩%។
ចំណែកភ្ញៀវចូលតាមផ្លូវគោកចំនួន ៧៨៥ ៧៧៤នាក់ ថយចុះ ១,១% និងចូលតាមផ្លូវទឹកចំនួន ៨៣ ៧៥២នាក់ កើនឡើង ១៥,៤%៕