អ្នកគាំទ្រ Real ធ្លាប់លើកបដាដៀល Atletico ឈឺចាប់បំផុតក្នុងជំនួប derby ដែល Atletico មិនដែលឈ្នះ

2019-07-27 03:57:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាប្រវត្តិសាស្ត្រក្រុម Real Madrid តែងយកឈ្នះស្ទើររាល់ការប្រកួតលើ Atletico Madrid ដែលជាខ្លា២នៅទីក្រុងម៉ាឌ្រីដតែមួយ។

ក្រុម Los Blancos ឈ្នះ២៥ ក្នុងចំណោម ៣៦ ប្រកួតរវាងគូប្រជែង២ដែលមានមូលដ្ឋាននៅទីក្រុងតែមួយ ឬ ជំនួប derby ចាប់ពីឆ្នាំ ១៩៩៣ ដល់ឆ្នាំ ២០១២ ពោលគឺជិត២០ឆ្នាំ ក្នុងអំឡុងពេលនោះ Atletico Madrid អាចតដៃយកឈ្នះ Real Madrid តែ២ដងប៉ុណ្ណោះ។

រហូតដល់ក្រុមអ្នកគាំទ្ររបស់ក្លឹបរហស្សនាមអធិរាជសបានសរសេរបដាសើចចំអកនៅក្នុងឆ្នាំ ២០១១ ជាភាសាអេស្ប៉ាញ “Se busca rival digno para clásico decente” ដែលពួកគេចង់មានន័យថា "ចង់បានគូប្រជែងក្នុងទីក្រុងតែមួយឲ្យខ្លាំងជាងនេះ"។

ទីបំផុតការចង់បានរបស់អ្នកគាំទ្រក្លឹបម្ចាស់ជើងឯក Champions League ៣សម័យកាលជាប់ៗគ្នាពិតជាសម្រេចដូចបំណងមែន ក្រោយពេលដែលលោក Diego Simeone បានមកដឹកនាំ Atletico ចាប់តាំងពីចុងឆ្នាំ២០១១មក។

ចាប់តាំងពីដើមរដូវកាលដំបូង ២០១២/១៣ ដែលគ្រូបង្វឹកសញ្ជាតិអាហ្សង់ទីនទៅដឹកនាំក្លឹបនៅទីក្រុងម៉ាឌ្រីដ មកដល់បច្ចុប្បន្ន ក្រុមទាំង២ឈ្នះ១០ប្រកួតដូចគ្នាក្នុងចំណោមប្រកួតសរុបទាំង៣០។

តែអ្វីដែលធ្វើឲ្យអ្នកគាំទ្រ Atletico Madrid ពេញចិត្តបំផុតគឺការប្រកួតចុងក្រោយ លក្ខណៈមិត្តភាពកម្ដៅសាច់ដុំ ដែល Real Madrid ចាញ់អ្នកជិតខាង Atletico ៧-៣។

Atletico លែងជាខ្លាកំសាកដូចមុនទៀតហើយ ចែកគ្នាដណ្តើមទាំងពានធំៗរបស់អឺរ៉ុបរៀងៗខ្លួន និង ពានក្នុងស្រុកហូរហែដូចគ្នា។ ដោយក្នុងនោះ លោក Simeone បានជួយ Atletico Madrid ឈ្នះ Europa League ២លើក La Liga ១លើក៕

អាន៖ ក្លឹបចំណាស់បំផុតមួយនឹងឡើងមកលេងនៅ Premier League ក្រោយអវត្តមានជាង១ទសវត្ស

ប្រភព៖ Four Four Two ប្រែសម្រួល៖ សុខ លាងហ៊ត