លោក Conor និយាយយ៉ាងណា ពេលសួរថាស្វាយរៀងឈ្នះពានឬអត់?

2019-07-29 07:58:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមព្រះខ័នរាជស្វាយរៀង កំពុងបន្ដកំណត់ត្រាមិនចាញ់១៧ប្រកួតជាប់គ្នានារដូវកាលនេះ ឈរនៅចំណាត់ថ្នាក់កំពូលតារាង ក្រោយពីយកឈ្នះលើក្រុមភ្នំពេញក្រោន ៥-២។

ការធ្វើបានល្អ និងដាច់ពិន្ទុក្រុមលេខ២ដល់ទៅ៥ពិន្ទុនេះ ប៉ុន្តែលោក Conor ដែលជាគ្រូបង្វឹកក្រុមស្វាយរៀង មិនឆ្លើយសំនួរថាក្រុមនឹងឈ្នះពាននៅរដូវកាលនេះឬអត់ទេ។ លោកបញ្ជាក់ថានរណាក៏សួរលោកពីការឈ្នះពានរដូវកាលនេះដែរ ប៉ុន្តែអ្វីដែលលោកគិតគឺប្រកួតបន្ទាប់ និងធ្វើឱ្យក្រុមកាន់តែប្រសើរឡើង។ ប្រសិនបើអាចធ្វើបានល្អរហូតដល់ចប់រដូវកាលនោះ ក្រុមនឹងទទួលបានលទ្ធផលមិនខាន។ យ៉ាងណាមិញ លោកចង់ផ្ដោតលើប្រកួតបន្ទាប់ជាមួយអគ្គិសនីវិញ ព្រោះពួកគេក៏ជាក្រុមខ្លាំងមួយដែរ។

Conor ដឹកនាំក្រុមស្វាយរៀងបានយ៉ាងល្អនៅរដូវកាលនេះ។ កីឡាករក្នុងក្រុមមានទឹកចិត្តខ្ពស់ក្នុងការលេង ដើម្បីគោលដៅរបស់ពួកគេ។ គ្រូបង្វឹករូបនេះក៏ទើបតែទទួលបានការបន្ដកុងត្រា២ឆ្នាំទៀតជាមួយក្រុមព្រះខ័នរាជស្វាយរៀងផងដែរ៕

អត្ថបទ៖ ប្រុស យុទ្ធ