ជប៉ុនអនុញ្ញាតឲ្យអ្នកវិទ្យាសាស្ត្របង្កើតកូនកាត់ សត្វ-មនុស្ស ដំបូងបំផុតមិនធ្លាប់មាន

2019-08-04 06:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋាភិបាលជប៉ុនបានយល់ព្រមលើសំណូមពររបស់អ្នកវិទ្យាសាស្ត្រក្នុងការបង្កើតកូនកាត់សត្វ-មនុស្ស ដំបូងបំផុតមិនធ្លាប់មាន។ នេះបើតាម Business Insider។

គោលបំណងអ្នកស្រាវជ្រាវគឺចង់បង្កើតសត្វមួយប្រភេទដែលបង្កចេញពីកោសិកាសត្វ និង កោសិកាមនុស្សរួមបញ្ចូលគ្នា ហើយបើចាំបាច់គេអាចបម្លែងសត្វនោះឲ្យក្លាយទៅជាមនុស្សបានទៀតផង។

ក្រសួងវិទ្យាសាស្ត្រជប៉ុនកាលពីសប្ដាហ៍មុនបានផ្ដល់ការយល់ព្រមជាបណ្ដោះអាសន្នចំពោះសំណើមួយរបស់អ្នកស្រាវជ្រាវនៅសាកលវិទ្យាល័យតូក្យូ ដើម្បីបង្កើតអំប្រ៊ីយ៉ុងសត្វដែលផ្ទុកកោសិកាមនុស្ស និង ធ្វើឲ្យសត្វពពោះ។

ពួកគេធ្វើការសាកល្បងទៅលើសត្វកណ្ដុរ និង កណ្ដុរប្រែង។ ករណីសិក្សានេះ អ្នកវិទ្យាសាស្ត្របានប្រើប្រាស់កោសិកាខួរក្បាលមនុស្សជាង៣០%នៃកោសិការបស់ សត្វ-មនុស្ស ប្រភេទថ្មីនេះ ហើយបន្ទាប់ពីពួកវាចាប់កំណើត ក្រុមអ្នកស្រាវជ្រាវនឹងត្រូវប្រើពេល២ឆ្នាំទៀតដើម្បីតាមដានការអភិវឌ្ឍរបស់កូនកាត់ សត្វ-មនុស្ស នេះ។

រូបតំណាង

Hiromitsu Nakauchi ប្រធានក្រុមដឹកនាំការស្រាវជ្រាវរបស់សាកលវិទ្យាល័យតូក្យូបាននិយាយថា "ទីបំផុត យើងបានមកដល់ចំណុចសិក្សាដ៏យកចិត្តទុកដាក់ខ្ពស់បំផុតមួយ បន្ទាប់ពីបានត្រៀមលក្ខណៈជាង១០ឆ្នាំ"។

"យើងមិនរំពឹងថានឹងបង្កើតសរីរាង្គមនុស្សភ្លាមៗទេ ប៉ុន្តែនេះអនុញ្ញាតឱ្យយើងជម្រុញការស្រាវជ្រាវរបស់យើងដោយផ្អែកលើវិធីដែលយើងបានប្រើទម្រាំឈានមកដល់ចំណុចនេះ"។

ខណៈដែលប្រទេសដទៃទៀតបានធ្វើពិសោធន៍បង្កើតកូនកាត់ សត្វ-មនុស្ស ត្រឹមជាលក្ខណៈអំប្រ៊ីយ៉ុង ប៉ុន្តែជប៉ុនគឺជាប្រទេសដំបូងគេដែលគាំទ្រការបង្កើត សត្វ-មនុស្ស ឲ្យលូតលាស់ពេញលេញ។

សត្វស្វា-មនុស្ស ត្រូវបានគេអនុញ្ញាតឱ្យលូតលាស់តែ២ទៅ៣សប្តាហ៍ប៉ុណ្ណោះ។ រូបថត៖ Xinhua

ជាក់ស្តែង អាមេរិកបង្កើតកូនកាត់ ជ្រូក-មនុស្ស និង អនុញ្ញាតឲ្យវាលូតលាស់តែ ៣ទៅ៤ សប្ដាហ៍ប៉ុណ្ណោះ អំប្រ៊ីយ៉ុងនោះនឹងត្រូវបំផ្លាញចោលវិញ ព្រោះវាជាច្បាប់ក្រមសីលធម៌ដែលតម្រូវ។

ដោយឡែក ចក្រភពអង់គ្លេស ការបង្កើតកោសិកា សត្វ-មនុស្ស នៅសាកលវិទ្យាល័យ Newcastle ក៏ច្បាប់អនុញ្ញាតឲ្យធ្វើត្រឹមកម្រិតកូនកាត់អំប្រ៊ីយ៉ុងសម្រាប់ព្យាបាលជំងឺផ្សេងៗប៉ុណ្ណោះ៕

អាន៖ ក្រុមអវកាសយានិក ពន្យល់មូលហេតុដែល អាំស្រ្តង ត្រូវជ្រើសរើសឲ្យដើរលើផ្ទៃឋានព្រះចន្ទមុនគេ

ប្រភព៖ Businessinsider ប្រែសម្រួល៖ សុខ លាងហ៊ត