អ្នកប្រើ Instagram នឹងអាចឈែតជាមួយអ្នកប្រើ Facebook Messenger ឆ្លងប្រព័ន្ធ
- 2019-08-08 03:44:40
- ចំនួនមតិ 0 | ចំនួនចែករំលែក 0
អ្នកប្រើ Instagram នឹងអាចឈែតជាមួយអ្នកប្រើ Facebook Messenger ឆ្លងប្រព័ន្ធ
ចន្លោះមិនឃើញ
កាលពីខែមករា គេបានដឹងថា Facebook នឹងដាក់បញ្ចូលគ្នានូវមុខងារផ្ញើសា (Chat) រវាងបណ្ដាញ Instagram, WhatsApp និង Messenger។ ហើយកាលពីខែមីនា លោក Mark Zuckerberg ក៏បានបញ្ជាក់អំពីគោលបំណងដាក់បញ្ចូលគ្នានេះផងដែរ។
បើតាមការចុះផ្សាយថ្មីរបស់ Bloomberg បានឲ្យដឹងថាជាដំណាក់កាលដំបូងមុខងារ Chat លើ Instagram នឹងត្រូវកែច្នៃឡើងវិញ ដោយប្រើបច្ចេកវិទ្យា Facebook Messenger។ ដើម្បីអាចឲ្យអ្នកប្រើ Instagram ផ្ញើសាឆ្លើយឆ្លងជាមួយអ្នកប្រើ Facebook Messenger បាននោះ វិស្វករនៅក្រុមហ៊ុនបានប្រើប្រាស់បច្ចេកវិទ្យាពី Messenger យកទៅកែច្នៃ Instagram Direct ដោយការឌីហ្សាញរបស់ Instagram Direct នឹងមិនមានការផ្លាស់ប្ដូរច្រើននោះទេ។ បន្ថែមពីនេះបុគ្គលិកដែលធ្វើការនៅ Instagram ពេលនេះត្រូវរាយការណ៍ព័ត៌មានដល់ក្រុមការងារ Messenger ទៀតផង។
ការចុះផ្សាយរបស់ Bloomberg ក៏បានលើកឡើងអំពីគោលបំណងរបស់ Facebook ដែលចង់បន្ថែមពាក្យ "from Facebook” នៅពីក្រោយឈ្មោះ Instagram និង WhatsApp ផងដែរ៕
ចុចអាន ៖ ហ្គេមលើ Apple Watch ទំនងៗអាចជួយអ្នកបំបាត់ភាពអផ្សុក ពេលទូរសព្ទអស់ថ្ម