ភ្ញាក់ផ្អើល! អ្នកវិទ្យាសាស្ត្ររកឃើញថា សត្វសេកកាលពី ១៩លានឆ្នាំមុនមានកម្ពស់ជាង ១ម៉ែត្រ
- 2019-08-08 06:58:38
- ចំនួនមតិ 0 | ចំនួនចែករំលែក 0
ភ្ញាក់ផ្អើល! អ្នកវិទ្យាសាស្ត្ររកឃើញថា សត្វសេកកាលពី ១៩លានឆ្នាំមុនមានកម្ពស់ជាង ១ម៉ែត្រ
ចន្លោះមិនឃើញ
កាលពីពេលថ្មីៗនេះ អ្នកវិទ្យាសាស្ត្របានរកឃើញហ្វូស៊ីលសត្វសេកមួយប្រភេទដែលរស់នៅក្នុងប្រទេសនូវែលហ្សេឡង់កាលពី ១៩លានឆ្នាំមុន មានកម្ពស់រហូតដល់ជាង ១ម៉ែត្រ។
អ្នកវិទ្យាសាស្ត្របានឲ្យដឹងថា សេកនេះជាប្រភេទ Squawkzilla ដែលពួកវាស៊ីសត្វសេកផ្សេងជាអាហារដោយប្រើចំពុះដ៏ធំរបស់វាដើម្បីសម្លាប់ចំណីជាហេតុបណ្ដាលឲ្យមានរូបរាងធំបែបនេះ។ ហ្វូស៊ីលរបស់សត្វនេះ ត្រូវបានរកឃើញនៅតំបន់កំណាយ Central Otago នៃប្រទេសនូវែលហ្សេឡង់។ យោងតាមសាស្ត្រាចារ្យ Trevor Worthy មកពីសកលវិទ្យាល័យ Flinders ឲ្យដឹងថា "យើងបាននិងកំពុងកាយរកហ្វូស៊ីលក្នុងតំបន់នេះអស់រយៈពេលជាង ២០ឆ្នាំមកហើយ ហើយជារៀងរាល់ឆ្នាំយើងតែងប្រទះឃើញប្រភេទសត្វបក្សី និងសត្វផ្សេងថ្មីៗទៀត។”
គួរឲ្យដឹងថា តំបន់នៃកំណាយហ្វូស៊ីលនេះ ធ្លាប់ជាបឹងទឹកសាបដែលមានព្រំប្រទល់ជាប់ជាមួយតំបន់ទំនាបលិចទឹកដ៏ធំដែលសម្បូរទៅដោយតំបន់ដីសើម និងមានស្មៅដុះពាសពេញ៕