Amazon ជាប់ចោទពីបទ បង្ខំឲ្យសិស្សធ្វើការលើសម៉ោងដល់យប់ជ្រៅ

2019-08-12 02:52:01
ចំនួនមតិ 0 | ចំនួនចែករំលែក 0

ចន្លោះមិនឃើញ

សិស្ស-និស្សិតជនជាតិចិនជាច្រើនរយនាក់ ដែលមានអាយុពី ១៦ដល់ ១៨ ឆ្នាំត្រូវបានបង្ខំឲ្យធ្វើការលើសម៉ោងរហូតដល់យប់ជ្រៅនៅក្នុងរោងចក្រ Foxconn ដើម្បីផលិតឧបករណ៍របស់ Amazon។

រោងចក្រ Foxconn នៅខេត្តហួណាន

តួលេខចំនួនសិស្សលើស ១០០០ នាក់ខាងលើរកឃើញដោយអ្នកយកសារព័ត៌មាន The Guardian ដែលបានចុះទៅដល់រោងចក្រ Foxconn នៅទីក្រុង Hengyang ខេត្តហូណានប្រទេសចិន។

រូបភាពថតបានបុគ្គលិកធ្វើការពេលម៉ោងសំរាក(បើមិនធ្វើលើសម៉ោង មិនបានចូលពេញសិទ្ធ)

យោងតាមប្រភពពី China Lab Watch បានឲ្យដឹងថា រោងចក្របានប្រកាសរើសបុគ្គលិកហាត់ការដែលជាសិស្សមានអាយុចាប់ពីអាយុ ១៦ ឆ្នាំ ក្នុងលក្ខខណ្ឌជ្រើសរើសមិនអនុញ្ញាតឲ្យធ្វើការលើសម៉ោងនោះទេ។ ប៉ុន្តែជាក់ស្ដែងបុគ្គលិកហាត់ការទាំងនោះ នឹងត្រូវបានកត់ចូលថា អវត្តមាន ឬបណ្ដេញចេញតែម្ដង ប្រសិនបើមិនធ្វើការឲ្យគ្រប់តាមអ្នកណែនាំ ជាងនេះទៀត ក៏មិនអាចឲ្យចូលធ្វើពេញសិទ្ធដែរ។

Amazon Echo ជំនាន់ទី ២

ចង្វាក់ផលិតកម្មផលិត ស្រឡាយឧបករណ៍ស្មាតហូម Amazon Echo (កូន Speakers) ជាឧបករណ៍ដែលក្រុមហ៊ុន Amazon លក់ដាច់ខ្លាំងលើវិបសាយ។ ស្រង់សម្តីនិស្សិតម្នាក់បានប្រាប់ថា "គ្រូប្រាប់ពួកខ្ញុំថា បុគ្គលិកហាត់ការធ្វើតែ ៨ ម៉ោងក្នុងមួយថ្ងៃនិង ៥ ថ្ងៃក្នុងមួយសប្ដាហ៍ប៉ុណ្ណោះ ប៉ុន្តែស្រាប់តែឡើងដល់ ១២ ម៉ោងក្នុងមួយថ្ងៃ សរុបទៅ ៦ ថ្ងៃក្នុងសប្ដាហ៍។”

បុគ្គលិកហូបអាហារនៅកង់ទីនរោងចក្រ

យ៉ាងណាមិញគណៈគ្របគ្រង Amazon បានចេញមកបកស្រាយប្រាប់ថា កម្មវិធីបង្រៀនបុគ្គលិកហាត់ការក្នុងរោងចក្រ មិនបានដាក់លក្ខខណ្ឌឲ្យធ្វើដល់លើសម៉ោងនោះទេ ខាងរោងចក្រយើងខ្ញុំសូមច្រានចោលនូវព័ត៌មានខាងលើនោះ៕

ប្រភព៖ Zing ប្រែសម្រួល៖ រក្សា