Mia Khalifa អះអាងថារកបានតែ ១២ ០០០ ដុល្លារ ពេលប្រឡូកជាតារាសិច (វីដេអូ)

2019-08-15 07:15:46
ចំនួនមតិ 0 | ចំនួនចែករំលែក 0

ចន្លោះមិនឃើញ

Mia Khalifa ដែលគេស្គាល់ថាធ្លាប់ប្រឡូកក្នុងសហគ្រាសភាពយន្តអាសអាភាសចន្លោះឆ្នាំ ២០១៤ និង ២០១៥ នៅបន្តទទួលបានការគាំទ្រមកទល់សព្វថ្ងៃនេះ។ ហើយពេលនេះ នាងបានចេញមុខអះអាងថា មិនអាចរកចំណូលបានរាប់លានដុល្លារពីការថតរឿង ដូចមនុស្សភាគច្រើនយល់ឃើញនោះទេ។

កាលពីថ្មីៗនេះ Mia បានបង្ហោះលើគណនី Twitter របស់ខ្លួន នូវកិច្ចសម្ភាសន៍មួយដែលធ្វើឡើងជាមួយ Megan Abbott ដែលក្នុងកិច្ចសម្ភាសន៍ តារាសញ្ជាតិលីបង់/អាមេរិក បានអះអាងថា មតិជុំវិញថានាងអាចរកបានរាប់លានដុល្លារ (ពីការធ្វើតារាសិច) ជារឿងមិនពិត។

នាងបានលើកឡើងដូចនេះ ៖ "ខ្ញុំអាចរកលុយបានសរុបប្រមាណ ១២ ០០០ ដុល្លារ ពីការចូលប្រឡូកក្នុងសហគ្រាស ហើយមិនដែលបានលុយបន្ថែមទៀតនោះទេ ក្រោយពីនោះមក”។ Mia បានបន្ថែមទៀតថា ក្រោយឈប់ថតរឿង នាងពិបាកក្នុងការស្វែងរកការងារត្រឹមត្រូវមួយ។

ក្នុងកិច្ចសម្ភាសន៍ Mia Khalifa ក៏បាននិយាយអំពីបទពិសោធន៍ជូរចត់ពីក្រោយភាពល្បីល្បាញរបស់ខ្លួន ដែលមានពេលខ្លះនាងទទួលបានការគំរាមសម្លាប់ទៀតផង៕