Vivo បង្ហើបថា NEX 3 នឹងនាំមកនូវអេក្រង់ទឹកធ្លាក់ដូច Oppo ដែរ
- 2019-08-15 07:20:19
- ចំនួនមតិ 0 | ចំនួនចែករំលែក 0
Vivo បង្ហើបថា NEX 3 នឹងនាំមកនូវអេក្រង់ទឹកធ្លាក់ដូច Oppo ដែរ
ចន្លោះមិនឃើញ
Vivo ចាប់ផ្តើមបង្ហើបរូបរាងទូរសព្ទថ្មីរបស់ខ្លួន ដែលស្ទើរតែគ្មានគែមមុខនិងកៀន។ រចនាបថថ្មីនេះគឺបានបង្ហោះដោយលោក Li Xiang អ្នកគ្រប់គ្រង់ផ្នែកផលិតផល NEX នៅលើគេហទំព័រ Weibo។
គំនូសនេះបង្ហាញថា ទូរសព្ទនឹងមាននូវអេក្រង់ប្រភេទទឹកធ្លាក់ (waterfall display) ដែលកោងជិតដល់ ៩០ ដឺក្រេ។ កាលពីខែមុន Oppo ក៏បានបង្ហាញទូរសព្ទគំរូរបស់ខ្លួន នាំមកជាមួយអេក្រង់ប្រភេទនេះផងដែរ។ ចំណែកឯកាមេរ៉ាវិញគឺ Vivo យកទម្រង់តាមមុខនាឡិកា។
គួរបញ្ជាក់ផងដែរ ត្រកូល NEX របស់ Vivo តែងតែនាំមកនូវបច្ចេកវិទ្យាថ្មីៗនិងប្លែកៗដូចជា Vivo NEX 1 នាំមកកាមេរ៉ាបង្កប់ក្នុងតួម៉ាស៊ីននិងស្កេនម្រាមដៃក្រោមអេក្រង់មុខគេបង្អស់ ឯ Vivo NEX 2 នាំមកអេក្រង់ទី២ ដែលស្ថិតនៅក្រោយទូរសព្ទ៕