ក្រុមហ៊ុនលក់ទូរសព្ទបានច្រើនជាងគេនៅអាស៊ីអាគ្នេយ៍ពីលេខ ២ ដល់ ៥ សុទ្ធតែក្រុមហ៊ុនចិន

2019-08-16 02:10:38
ចំនួនមតិ 0 | ចំនួនចែករំលែក 0

ចន្លោះមិនឃើញ

របាយការណ៍របស់ Canalys ដែលចេញផ្សាយចុងក្រោយនេះ បានបង្ហាញថាក្រុមហ៊ុនស្មាតហ្វូនចិនបានវាយលុកទីផ្សារស្មាតហ្វូនអាស៊ីអាគ្នេយ៍នៅត្រីមាសទី ២ ឆ្នាំ ២០១៩ នេះ ដែលលក់ស្មាតហ្វូនបាន ១៩ លានគ្រឿង ក្នុងចំនួនសរុប ៣០,៧ លានគ្រឿង។

Samsung នៅតែអាចនាំមុខគេ ដែលលក់ស្មាតហ្វូនបាន ៧,៧ លានគ្រឿង តាមពីក្រោយដោយ OPPO លក់ស្មាតហ្វូនបាន ៧,៣ លានគ្រឿង, vivo លក់បាន ៤,១ លានគ្រឿង, Xiaomi លក់បាន ៣,៧ លានគ្រឿង និង Realme ហក់ចូលតំណែងកំពូលទី ៥ ជាលើកដំបូង ជាមួយចំនួនលក់ ១,៦ លានគ្រឿង។

ទិន្នន័យបានបង្ហាញថាទីផ្សារនៅអាស៊ីអាគ្នេយ៍គឺត្រូវបានវាយលុកដោយស្មាតហ្វូនកម្រិតមធ្យម ទៅកម្រិតធូរថ្លៃ ដែល ៧៥% មានពោរពេញដោយស្មាតហ្វូនតម្លៃល្បាក់ ២០០ ដុល្លារ។ បញ្ជាក់ថាប្រទេសនៅអាស៊ីអាគ្នេយ៍ដែលគេយកមកបញ្ចូលក្នុងទិន្នន័យនេះរួមមានកម្ពុជា, ឥណ្ឌូណេស៊ី, ឡាវ, ម៉ាឡេស៊ី, មីយ៉ាន់ម៉ា, ហ្វីលីពីន, សិង្ហបុរី, ថៃ និង វៀតណាម៕

ចុចអាន ៖ Huawei ពន្យារថ្ងៃប្រកាស Mate X លើកទីពីរ អាចមកពីបញ្ហានេះ

ប្រភព៖ GSMarena ប្រែសម្រួល៖ សុខហេង