ប្រឡងបាក់ឌុបឆ្នាំនេះ លែងមានបញ្ហាបូកពិន្ទុខុសទៀតហើយ
- 2019-08-19 01:32:09
- ចំនួនមតិ 0 | ចំនួនចែករំលែក 0
ប្រឡងបាក់ឌុបឆ្នាំនេះ លែងមានបញ្ហាបូកពិន្ទុខុសទៀតហើយ
ចន្លោះមិនឃើញ
ក្រោយមានបញ្ហាប្រកាសលទ្ធផលខុសមួយចំនួនកាលពីឆ្នាំនេះ ក្រសួងបានរៀបចំយន្តការយ៉ាងម៉ត់ចត់ ដើម្បីកុំឲ្យបញ្ហាដដែលនោះ កើតឡើងម្ដងទៀតនៅឆ្នាំនេះ។
ទាក់ទងបញ្ហានេះ ឯកឧត្ដមបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានថ្លែងប្រាប់ក្រុមអ្នកសារព័ត៌មាន នៅក្រោយពិធីបើកវិញ្ញាសាប្រឡង នៅមណ្ឌលវិទ្យាល័យព្រះស៊ីសុវត្ថិ នាព្រឹកថ្ងៃទី១៩ ខែសីហានេះថា៖ "ក្រសួងបានបង្កើតបច្ចេកវិទ្យា និងកម្មវិធីថ្មី ដែលឆ្លងកាត់ការធ្វើតេស្តយ៉ាងត្រឹមត្រូវ។ ក្រសួងក៏បានរៀបចំមជ្ឈមណ្ឌលកុំព្យូទ័រ ចំនួន ២ ដូច្នេះបើ១មានបញ្ហា គឺនៅមាន១ទៀត។ យើងក៏មានប្រព័ន្ធ ២ផងដែរ ទាំងប្រព័ន្ធចាស់ និងប្រព័ន្ធថ្មី និងមាននីតិវិធីក្នុងការត្រួតពិនិត្យមើល ដោយឆ្លងកាត់ការវិភាគលទ្ធផលជាមុនសិន ទើបអ្នកបច្ចេកទេសបញ្ចូលក្នុងប្រព័ន្ធកម្មវិធីទៀត ថាតើលទ្ធផលត្រឹមត្រូវឬយ៉ាងណា មុនពេលយើងប្រជុំសម្រេច"។
សូមបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប ឆ្នាំ២០១៩ បានចាប់ផ្ដើម នាព្រឹកថ្ងៃទី១៩ ខែសីហានេះ ដោយមានបេក្ខជនសរុប ១១៧ ០២៤នាក់ ចែកជា ២០២មណ្ឌល៕