មកមើល ទិដ្ឋភាពអ្នកតវ៉ានៅហុងកុងប្រមូលផ្ដុំគ្នា ខណៈអ្នកចូលរួមជិត ២លាននាក់ (មានវីដេអូ)
- 2019-08-19 02:26:21
- ចំនួនមតិ 0 | ចំនួនចែករំលែក 0
មកមើល ទិដ្ឋភាពអ្នកតវ៉ានៅហុងកុងប្រមូលផ្ដុំគ្នា ខណៈអ្នកចូលរួមជិត ២លាននាក់ (មានវីដេអូ)
ចន្លោះមិនឃើញ
ពលរដ្ឋហុងកុងជាច្រើនពាន់នាក់ បានបន្ដធ្វើការតវ៉ារបស់ខ្លួនដែលឈានចូលមកដល់សប្ដាហ៍ទី ១០ទាមទារឲ្យលុបបំបាត់ច្បាប់បត្យាប័នថ្មី។
យោងតាមអ្នករៀបចំឲ្យដឹងថា នៅក្នុងការតវ៉ាកាលពីថ្ងៃអាទិត្យកន្លងទៅ ដែលមានការប្រមូលផ្ដុំគ្នានៅឧទ្យាន Victoria អ្នកចូលរូមកើនឡើងដល់ចំនួនជាង ១,៧លាននាក់។ ការតវ៉ានេះ ត្រូវបានធ្វើឡើងបើទោះបីជាមានការព្រមានពីរដ្ឋាភិបាលក្រុងប៉េកាំងដែលចាត់ទុកការតវ៉ានេះថាជា "សកម្មភាពនៃអំពើភេរវកម្ម”។ នៅក្នុងវីដេអូ Timelapse មួយ បានបង្ហាញពីសកម្មភាពនៃការប្រមូលផ្ដុំរបស់អ្នកតវ៉ាដែលធ្វើឡើងកាលពីរសៀលថ្ងៃអាទិត្យដោយមានអ្នកចូលរួមច្រើនកុះករជាបន្ដបន្ទាប់។
គួរឲ្យដឹងថា ការតវ៉ានេះ ត្រូវបានធ្វើឡើងក្រោយពេលដែលមានការស្នើសុំបង្កើតច្បាប់បត្យាប័នថ្មីដែលអនុញ្ញាតឲ្យជនល្មើសត្រូវបញ្ជូនទៅកាន់ចិនដីគោកដើម្បីកាត់ក្ដី ដោយសារពួកគេមិនទុកចិត្តលើការគោរពសិទ្ធិមនុស្ស និងប្រព័ន្ធច្បាប់របស់ចិនដីគោក៕
សូមទស្សនាវីដេអូខាងក្រោម ៖