កត្ដាសំខាន់ ៤ ធ្វើឲ្យសកលវិទ្យាល័យវៀតណាម ជាប់ឈ្មោះល្អជាងគេមួយក្នុងពិភពលោក

2019-08-19 03:33:52
ចំនួនមតិ 0 | ចំនួនចែករំលែក 0

ចន្លោះមិនឃើញ

សកលវិទ្យាល័យ Ton Duc Thang ដែលស្ថិតក្នុងទីក្រុងហូជីមីញប្រទេសវៀតណាម បានក្លាយជាវិទ្យាល័យដំបូងគេក្នុងប្រទេសដែលជាប់ឈ្មោះល្អបំផុតក្នុងចំណោមមួយពាន់ទូទាំងពិភពលោក។

នៅក្នុងបញ្ជីសកលវិទ្យាល័យល្អជាងគេបំផុតដែលចេញដោយ ARWU កាលពីថ្ងៃព្រហស្បតិ៍មុនបង្ហាញថា សកលវិទ្យាល័យ Ton Duc Thang ស្ថិតក្នុងចំណាត់ថ្នាក់ចន្លោះពីទី ៩០១-១០០០។ ARWU គឺជាចំណាត់ថ្នាក់ដែលចេញ និងរក្សាសិទ្ធជារៀងរាល់ឆ្នាំដោយទីប្រឹក្សាក្រុងសៀងហៃដែលផ្ដោតសំខាន់លើគុណភាពនៃការអប់រំកម្រិតខ្ពស់។ ARWU ត្រូវបានចាត់ទុកថាជាបញ្ជីចំណាត់ថ្នាក់ដ៏មានកេរ្តិ៍ឈ្មោះល្បីមួយនៃសកលវិទ្យាល័យទូទាំងពិភពលោក ជាមួយនឹងបញ្ជី QS World University Rankings និង Times Higher Education។

សកលវិទ្យាល័យ Ton Duc Thang ត្រូវបានបើកជាផ្លូវការដំបូងកាលពីឆ្នាំ ១៩៩៧ ជាសកលវិទ្យាល័យឯកជនដោយសហព័ន្ធការងារនៃទីក្រុងហូជីមីញ មុនប្រែក្លាយមកជាសកលវិទ្យាល័យរដ្ឋក្នុងឆ្នាំ ២០០៨។ កត្ដាសំខាន់បួនដែលធ្វើឲ្យ Ton Duc Thang ជាក្នុងបញ្ជីសកលវិទ្យាល័យល្អជាងគេមួយក្នុងពិភពលោករួមមាន ៖ គុណភាពអប់រំ (១០%), គុណភាពដេប៉ាតឺម៉ង់ (៤០%), ការស្រាវជ្រាវវិទ្យាសាស្ត្រ (៤០%) និងផលិតភាពនៃឆ្នាំសិក្សាជាមធ្យម (១០%)។

ចំណែកឯសកលវិទ្យាល័យបីស្ថិតលើកំពូលតារាងចំណាត់ថ្នាក់ក្នុងឆ្នាំនេះរួមមាន សកលវិទ្យាល័យ Harvard និង Stanford របស់សហរដ្ឋអាមេរិកដែលតាមពីក្រោយដោយសកលវិទ្យាល័យ Cambridge របស់ចក្រភពអង់គ្លេស៕